Jetisý oblysynyń prokýratýrasy sotta bopsalaý men psıhologııalyq qysym kórsetý arqyly qylmys jasaǵan toptyń kinásin dáleldedi, dep habarlaıdy Egemen.kz.
Bul top 2024 jylǵy mamyrdan 2025 jylǵy naýryzǵa deıin óńirde azamattardy bopsalaýmen aınalysqan. Qaskúnemder áleýmettik jeli men mobıldi qosymshalar arqyly jábirlenýshilerdiń senimine kirip, túrli syltaýlarmen olardy óz úılerine shaqyrǵan.
Qylmystyq shema psıhologııalyq qysym men manıpýlıasııaǵa negizdelgen. Adamdardy jalǵan «zorlaý faktisi boıynsha polısııaǵa aryz beremiz» dep qorqytyp, máseleni retteý úshin iri kólemde aqsha talap etken. Jábirlenýshiler aldyn ala bólingen rólder boıynsha áreket etetin tulǵalar tarapynan qatty qysymǵa ushyraǵan.
«Bıznesińdi japtyramyn»: Shymkentte kásipkerden 20 mln teńge bopsalaǵan kúdikti ustaldy
Quqyqqa qaıshy áreketter anyqtalǵannan keıin kúdiktiler ustalyp, sotqa deıingi tergeý júrgizildi. Qujattar men dáleldemeler qaralyp, is sotqa joldandy.
Sot prosesinde memlekettik aıyptaýshy qylmystyq aıyptardy negizdi dep dáleldedi, usynylǵan dálelderge quqyqtyq baǵa berildi.
2026 jylǵy 30 qańtarda Taldyqorǵan qalalyq soty kúdiktilerdi QR QK 194-babynyń 2-bóliginiń 1), 2) jáne 3) tarmaqtary boıynsha kináli dep tanyp, ártúrli merzimge jazalaryn belgiledi.
Úkim áli zańdy kúshine engen joq.
Qaraǵandyda balalardan 10 mln teńge aqsha bopsalaǵandar ustaldy