Jetisý oblysynda Saýda jáne tutynýshylardyń quqyqyǵyn qorǵaý departamenti azyq-túlik taýarlarynyń baǵasyn negizsiz kótergen kásipkerlerdi anyqtady, dep jazady Egemen.kz.
Monıtorıng nátıjesinde saýda kompanııalarynyń biri taýyq jumyrtqasyn óndirýshiden bir danasyn 50 teńgeden satyp alyp, ony jıyrmadan astam fırmalyq dúkenge 60-75 teńge aralyǵynda satqan. Saýda ústemesi 20-50%-ǵa deıin jetip, ruqsat etilgen shekten aıtarlyqtaı asqan. Ákimshilik sharalar qoldanylǵannan keıin jumyrtqa baǵasy arzandaǵan.
Sondaı-aq jospardan tys tekserý barysynda aımaqtaǵy taǵy bir JShS sary maıdy basqa seriktestikke jetkizip, keıin ol ónimdi jeti saýda jelisi men «úı janyndaǵy» dúkender arqyly 40-61% saýda ústemesimen satqan. Bul kórsetkishter de belgilengen shekten edáýir joǵary bolǵan.
Astanada arzan baǵada azyq-túlikti qaıdan alýǵa bolady?
«Saýda qyzmetin retteý týraly» Zańǵa sáıkes áleýmettik mańyzy bar azyq-túlik taýarlaryna saýda ústemesi óndirýshiniń satý baǵasynyń 15%-ynan aspaýy tıis. Atalǵan talapty buzǵany úshin jaýapkershilik kózdelgen, 2025 jyldan bastap aıyppul mólsheri kóbeıgen», delingen saýda jáne ıntegrasııa mınıstrligi taratqan habarlamada.
Azyq-túlik baǵasy turaqty baqylaýda
Joǵaryda atalǵan jaǵdaılarǵa baılanysty da sharýashylyq ıeleri jaýapkershilikke tartylyp, aıyppul arqalaǵan.
Aıta keteıik, jyl basynan beri Jetisý oblysynda taýar baǵasyn negizsiz kóterý boıynsha 17 materıal qaralyp, jalpy jıyny 185 975 teńge aıyppul salynǵan.
QQS ósimi áleýmettik mańyzy bar azyq-túlik baǵasyna áser etti me?