Hilton Astana otelinde 2018 jyldyń 27 mamyr kúni Astanada ótetin Úshinshi qaıyrymdylyq BI Marathon ótkizilýine arnalǵan baspasóz maslıhaty ótti. Bul sporttyq shara qaıyrymdylyq pen salaýatty ómir salty maqsatynda kóptegen adamdy biriktirdi. Sharaǵa qazaqstandyq ataqty sportshylar, BI Group qurylys holdınginiń jáne «BI-Juldyzaı» qaıyrymdylyq qorynyń ókilderi qatysty.
Eki jyl ishinde BI Marathon korporatıvtik bastamadan halyqaralyq marafonǵa deıin ósti. Ol qaıyrymdylyq pen belsendi ómir saltynyń álemdik trend ekenin kórsetedi. Marafon ıdeıasyn ózgelerge rııasyz kómektesetin erikti adamdar bastady. Tirkelýden túsken qarajat tikeleı «BI-Juldyzaı» qaıyrymdylyq qoryna baǵyttalady. 2017 jylǵy marafonda jınalǵan qarajat júıke júıesin belsendiretin Tomatıs terapııasyna arnaıy óńdelgen SOLISTEN qurylǵylaryn satyp alýǵa jumsaldy. Onyń basty qyzmeti - estý organyn yntalandyrý jáne bas mı jarty sharlarynyń jumysyn úılestirý. Shıelenis jaǵdaıyndaǵy balalar emosııalary men zeıinderin, fızıologııalyq qyzmetterin jaqsyraq baqylaı bastaıdy.
2004 jyldan bastap, qor erekshe qajettilikteri bar balalarǵa qarjylaı jáne áleýmettik kómek kórsetip keledi. Qor shetelden joǵary bilikti mamandardy shaqyra otyryp, ońaltý jumystary men hırýrgııalyq otalar ótkizedi. 3,5 jylda serebraldi sal aýrýyna shaldyqqan qazaqstandyq balalarǵa 468 ota jasaldy. Qordyń ońaltý ortalyǵynda 4 jastan 13 jasqa deıingi 50 bala alǵash ret ózdiginen júre bastady. Sondaı-aq «Mentorstvo» baǵdarlamasy boıynsha otandyq dárigerlerge arnalǵan 70 sheberlik sabaǵy ótti.
Astana, Almaty jáne Jańaózendegi «BI-Juldyzaı» medısınalyq ońaltý ortalyqtarynda logoped-defektolog, ýqalaýshy maman, «Tomatıs terapııasynyń» dárigeri, ortoped, nevropotolog, ıne salý mamany kabınetteri jáne serebraldi sal aýrýy, Daýn sındromy, gıdrosefaldi sındrom jáne tb dıagnozdary bar balalarǵa arnalǵan emdik dene shynyqtyrý zaly jumys jasaıdy.
Qordyń mańyzdy jobalary –respýblıkalyq jyl saıynǵy Spartakıada men erekshe balalar shyǵarmashylyǵyna arnalǵan «Juldyzaı» Festıvali. Sońǵy 13 jyl qatarynan 1 maýsym qarsańynda Qazaqstannyń ár aýmaǵynan jigerlengen balalar Astanada jınalady. Barlyǵy Festıvalge elimizdiń 16 oblysynan 42 000-nan astam bala qatysqan. QR bilim jáne ǵylym mınıstrligi jobanyń seriktesi bolyp tabylady.
BI Marathon Elorda turǵyndary men qonaqtary úshin jarqyn sporttyq merekege aınaldy. Alǵashqy marafonǵa 1700 adam qatysty. Al 2017 jyly qatysýshylar sany 4500-ge jetti. Byltyrǵydaı marafon qashyqtyǵy 5, 10, 21 jáne 42,2 km-di quraıdy. Dástúr boıynsha eń kishkentaı sportshylar úshin balalar júgirýi bolady.
«Júgirýshilerdiń qaýipsizdigi men jaılylyǵy úshin qajetti sharalar iske asyrylady: teıpteý, deneni shıratý; trassanyń ár onynshy shaqyrymy sýmen, jemistermen jáne tolyq marafondy júgirýshiler úshin ızotonıktarmen jabdyqtalǵan pýnktermen bólingen. Sonymen qatar ár 10 km saıyn dárigerler men jedel járdem kezekshilikte bolady. Kórermender men jankúıerler úshin keıterıng pen otandyq ártisterdiń qatysýymen mádenı baǵdarlama josparlanǵan. Marafonǵa deıin birneshe kún buryn Astana Trıatlon saıabaǵynda sporttyq jármeńke ótedi. Onda qatysýshylar ózderiniń sórelik nómirin alyp, sporttyq taýarlar satyp ala alady. Marafon uıymdastyrýshylar komıteti sharanyń Qazaqstan sport áleminde jarqyn oqıǵaǵa aınalyp, keń aýqymǵa qaıyrymdylyq boryshy men salaýatty ómir salty qundylyǵyna degen qyzyǵýshylyǵyn arttyrý maqsatynda bar yntasyn salýda,» - dedi BI Road Construction jáne BI Construction kompanııalarynyń qadaǵalaý keńesiniń tóraǵasy Baýyrjan Isabaev.