Ekinshi dúnıe júzilik soǵys jyldary Rıdder qalasyndaǵy gospıtalde maıdannan jaralanyp kelgen jaýyngerler emdelip, keıin osy shaharda jerlengeni málim.
«Qazsınk» kompanııasynyń Rıdderdegi bólimshesiniń qyzmetkerleri osy jaýyngerler jerlengen memorıaldyq keshendi jyl saıyn kútimge alyp, júıeli túrde abattandyrý jumystaryn júrgizip otyrady. Kásiporyn eńbekkerleri 9 mamyr merekesinde óndiriste jumys istegen ardagerlerdi quttyqtap, qurmet kórsetýdi de esten shyǵarmaıdy. «Búgingi beıbit kúnimizge Sizderdiń sińirgen eńbekterińiz zor. Erlikterińiz árqashan eldiń esinde», - deıdi О́skemendegi metallýrgııalyq keshenniń kontrolery Oksana Krasnopolına.
Qazsınktikter bıyl da jyldaǵydaı oblys ortalyǵynda ótken «Máńgilik polk» aksııasyna da belsendi qatysty. «9 mamyr – eń qasterli merekelerdiń biri. Beıbitshilik pen tynyshtyqtyń qanshalyqty qundy dúnıe ekendigin osy kúni uǵynyp, sezingendeı bolasyń. «Máńgilik polk» aksııasyn ákelerimiz ben atalarymyzǵa degen qurmet, taǵzym dep qabyldaǵanymyz jón. Maıdanda qan tókkender men tylda ter tókkenderdi eshýaqytta umytpaýǵa tıispiz. Soǵystan keıin bizdiń kásiporynda eńbek etken qarııalardy da árkez saǵynyshpen eske alamyz», - deıdi «Qazsınk» JShS ákimshilik máseleler jónindegi atqarýshy dırektory Andreı Lazarev.
Azamat QASYM,
«Egemen Qazaqstan»
О́SKEMEN