Ár nárseniń óz ýaqytymen bolǵany jaqsy ǵoı. Qystan qysylyp shyqqan jurt jazda jazylyp, jadyrap, arqasyn keńge salǵysy keledi-aq. Alaıda Shyǵysta mamyr aıy túgesilýge taqasa da, jer kóktep, aǵashtar búrshik jarsa da sýyq yzǵar qaıtpaı tur.
14 mamyr kúni túnde Katonqaraǵaı, Zyrıan aýdandary men Rıdder qalasynda qylaýlap qar jaýypty. Kenshiler shaharynda osy kúni tańerteń termometr mınýs 1-di kórsetipti. Aıtpaqshy, osydan 10 kún buryn shamasynda Rıdderde qar qylaýlap emes, tópelep jaýyp, jazdy ańsap júrgen jurtty ań-tań qylǵan-dy.
Oblys ortalyǵy – О́skemende de kúnniń qabaǵy qatýly. Qar jaýmasa da, qar jaýatyndaı bir sýyq yzǵar bar. «Bıyl jaz shyǵa ma, shyqpaı ma?» dep mazasy qashqan jurtqa aqsaqaldar jaǵy «bıyl jaz bolmaıdy. О́ıtkeni, qys jyly boldy» dep óz boljamdaryn aıtyp jatyr.
Azamat QASYM, «Egemen Qazaqstan»
Shyǵys Qazaqstan oblysy