Memleket basshysy Nursultan Nazarbaev Qazaqstan Respýblıkasy Qarjy mınıstrliginiń Kedendik baqylaý komıtetiniń tóraǵasy Serik Baımaǵanbetovti qabyldady, dep habarlady Qazaqstan Respýblıkasy Prezıdentiniń baspasóz qyzmeti.
S.Baımaǵanbetov Prezıdentti vedomstvonyń 2011 jylǵy jumysynyń negizgi qorytyndylary týraly habardar etti.
Aǵymdaǵy jyldyń 11 aıynda keden organdary tarapynan somasy 1 trln. 32 mlrd. teńge kóleminde kedendik tólemder men salyq túsimi bıýdjettiń kirisin qamtamasyz etti. Tapsyrmanyń oryndalý boljamy 106 paıyzdy qurady. О́tken jyldyń osyndaı kezeńimen salystyrǵanda bıýdjetke kedendik tólemder men salyqtar 389 mlrd. teńge kóp aýdarylǵan.
Prezıdent kedendik ákimshilendirý men baqylaýdyń tıimdiligin arttyrý, sondaı-aq kontrabandamen kúresti kúsheıtý jóninde birqatar naqty tapsyrmalar berdi.