Deklarasııa jobasy qaraldy

Keshe Qaırat Mámıdiń tóraǵalyq etýimen Parlament Se­naty bıýrosynyń otyrysy boldy. Birinshi kezekte Qazaq­stan Respýblıkasy Memlekettik táýelsizdiginiń jıyrma jyldyǵy deklarasııasynyń jobasyna qatysty másele qaraldy, dep habarlady Parlament Senatynyń baspasóz qyzmeti. Qujat jobasyn bıylǵy 10 jeltoqsanda bolatyn Parlament Senatynyń otyrysynda qaraý josparlanyp otyr. Q.Mámı atap ótkendeı, qoǵamdy toptastyra­tyn jańa qujat bolǵaly otyrǵan Deklarasııany Parlamentte qa­byldaý týraly bastamaǵa Memleket basshysy qoldaý bildirgen bolatyn. Deklarasııada Qazaqstannyń memleket qurylysyndaǵy Tuń­ǵysh Prezıdent – Elbasy Nur­sultan Nazarbaevtyń kórnekti róli atap ótilgen. Memleket bas­shy­synyń jetekshiligimen aýqym­dy saıası, ekonomıkalyq jáne áleý­mettik reformalar iske asy­ryldy. «Táýelsizdiktiń alǵashqy jyldarynda Prezıdent N.Nazarbaev belgilegen baǵyt óziniń ómir­sheńdigin dáleldedi jáne «qa­zaqstandyq damý joly» retinde álemge tanyldy», – dedi Q.Mámı. Tóraǵa atap ótkendeı, Dekla­ra­sııany ázirleý aıasynda Parlamentte arnaıy jumys toby qu­ryldy. Onda qujattyń negizgi mán-maǵynasy, qurylymdyq jáne mazmundyq jaǵy naqty­lan­dy. Q.Mámı Deklarasııa qabyl­da­nǵannan keıin Memleket bas­shysyna jiberiletinin aıtty. Qu­jat mátini resmı buqaralyq aq­pa­rat quraldarynda jarııa­lana­tyn bolady. Bıýroda odan basqa bıylǵy 14 jeltoqsanda bolatyn Senattyń kezekti jalpy otyrysynyń kún tártibi belgilendi.