Kóp adam kútken raqymshylyq jasaý týraly zań qabyldandy

Keshe Parlament Senatynyń Tóraǵasy Qaırat Mámıdiń tóraǵa­lyq etýimen palatanyń kezekti jal­py otyrysy boldy. Onda «Qa­zaqstan Respýb­lı­kasy Mem­lekettik táýelsiz­di­gi­niń 20 jyldyǵyna baı­lanysty ra­qymshylyq jasaý tý­raly» Zań qabyldandy. Ony tal­qylaý ba­ry­synda tóraǵa «Penal Reform International» (Halyq­ara­lyq túr­meler uıymy) uıymy Ortalyq Azııadaǵy ókildiginiń derekteri boıynsha halyqtyń ár 100 myń adamyna shaqqanda, oqshaý­lan­ǵan adamdar sany jóninen Qazaqstan dúnıe júzinde 22-oryn alatynyn aıtty. Bul uıym paıdalanǵan málimetter boıynsha bizdiń elimizde bas bostandyǵynan aıyrý oryndarynda 52,6 myń adam bar. Bul da dál málimet emes, óıtkeni, onda eki derek qana jı­naqtalyp kórsetilgen: kolonııa­lar­daǵy adam­­dar sany – 45 myńnan astam, son­daı-aq tergeýdegi oq­shaýlaý oryn­daryndaǵy adamdar sany – 7 myń­ǵa jýyq, ıaǵnı áli sot­tal­ma­ǵan­dar, deı kelip, Tóraǵa bul má­seleni barynsha muqııat jáne ká­si­bı turǵyda qaraý qa­jettigin atap ótti. Otyrysta «Gaz jáne gazben jabdyqtaý týraly» zań jobasy Senat engizgen ózgeristerimen jáne tolyqtyrýlarymen qabyl­dandy. Odan basqa, «Memlekettik qu­qyqtyq statıstıka jáne arnaıy esepke alý týraly» Zańǵa óz­ge­rister men tolyqtyrýlar engizý týraly», «Keıbir halyqaralyq uıymdardyń jarǵylyq qujat­ta­ryn bekitý týraly» Zańǵa ózgeris pen tolyqtyrý engizý týraly» zań jobalary qabyldandy. Qaralǵan máseleler boıynsha Ekonomıkalyq damý jáne saýda mınıstri Q.Kelimbetov, Munaı jáne gaz mınıstri S.Myńbaev, Ádilet mınıstri R.Túsipbekov, Statıstıka agenttiginiń tóraǵasy Á.Smaıylov tıisti túsinik­te­meler berdi. Otyrysta sondaı-aq uıym­dyq máseleler qaraldy. Atap aıt­qanda, Parlament Senatynyń úsh turaqty komıtetiniń ataýy óz­gerdi. Olar Konstıtýsııalyq zań­nama, sot júıesi jáne quqyq qorǵaý komıteti, Ekonomıkalyq damý jáne kásipkerlik komıteti, Tabıǵatty paıdalaný jáne aýyl­dyq aýmaqtardy damytý komıteti bolyp atalady. Sondaı-aq palatadaǵy turaqty komıtetterdiń tóraǵalary men músheleri saılandy. Konstıtýsııa­lyq zańnama, sot júıesi jáne qu­qyq qorǵaý komıtetiniń tór­aǵasy bolyp Berik Imashev, Qarjy jáne bıýdjet komıtetiniń tóraǵasy bolyp Rashıt Ahmetov, Halyq­ara­lyq qatynastar, qorǵanys jáne qaýipsizdik komıtetiniń tóraǵasy bolyp Ikram Adyrbekov, Ekono­mıkalyq damý jáne kásipkerlik komıtetiniń tóraǵasy bolyp Tal­ǵatbek Abaıdildın, Áleýmettik-mádenı damý komıtetiniń tóraǵasy bolyp Aqan Bıjanov, Tabıǵatty paıdalaný jáne aýyldyq aýmaq­tardy damytý komıtetiniń tór­aǵasy bolyp Bolat Jylqyshıev saılandy. Jaqsybaı SAMRAT.