Keshe OSK-da komıssııa otyrysy bolyp ótti, otyrys barysynda «Nur Otan» halyqtyq-demokratııalyq partııasynyń ókilderine partııalyq tizimdi bekitý týraly qaýly tapsyryldy. 127 adamdy qamtıtyn tizim saılaý komıssııasymen birinshi bolyp tirkeldi.
Tirkeý týraly qaýlyny alǵan partııa Tóraǵasynyń birinshi orynbasary, Respýblıkalyq saılaýaldy shtab jetekshisi Nurlan Nyǵmatýlın: «Búgin, sársenbiniń sátti kúni, «Nur Otan» halyqtyq-demokratııalyq partııasy birinshi bolyp, Ortalyq saılaý komıssııasynda resmı tirkeýden ótti. Bizdiń partııalyq tizimge kirgen barlyq 127 úmitkerimiz zańǵa sáıkes, tekserýden ótti. Endi, 16 jeltoqsannan bastap, biz barlyq qala men aýdandarda, aımaqtarda ózimizdiń nasıhat jumystarymyzdy bastaıtyn bolamyz», – dedi.
Sondaı-aq keshe Nurlan Nyǵmatýlın Qazaqstan Respýblıkasynyń Prezıdenti Nursultan Ábishuly Nazarbaevtyń bastamasyn qoldaı otyryp, «Nur Otan» partııasy saılaý naýqanyna qatysatyn barlyq saıası partııalarǵa 2012 jylǵy 15 qańtarda Qazaqstan Respýblıkasy Parlamenti Májilisi men máslıhattar depýtattarynyń ádil de ashyq saılaýyn ótkizý týraly memorandýmǵa qol qoıý týraly usynys jasaǵanyn aıtty.
Nurotandyqtardyń oıynsha, aldaǵy saılaý naýqany bizdiń elimizdegi demokratııalyq qundylyqtardy, zańdylyqty, oıyn bildirýdegi eriktilik, saılaý úderisiniń ashyqtyǵy men aıqyndyǵyn kórsetý alańyna aınalýy tıis. Sondyqtan olar saılaý úderisiniń barlyq qatysýshylaryn saıası tózimdilik pen ózara syılastyq qaǵıdattaryn saqtaýǵa, úgit-nasıhat naýqanyn tek Qazaqstan Konstıtýsııasy men saılaý zańnamasy talaptaryna sáıkes júrgizýge shaqyryp otyr.
«Egemen-aqparat».