Ortalyq Saılaý komıssııasynda

Keshe Ortalyq saılaý komıssııasynyń otyrysynda Komıssııa «Nur Otan» halyqtyq-demokratııalyq partııasy­nyń partııalyq tizimin tirkedi. 5 jeltoqsanda partııalyq tizimder boıynsha saılanatyn Qa­zaqstan Respýblıkasy Parlamenti Májilisi depýtattyǵyna kandıdattar usyný aıaqtalǵan bola­tyn. Al Ortalyq saılaý komıs­sııa­syna barlyǵy segiz saıası par­tııanyń partııalyq tizimderi usy­nylǵan edi. Olar: «Nur Otan» ha­lyqtyq-demokratııalyq partııa­sy­nyń, Qazaqstan Patrıottary partııasynyń, Qazaqstan sosıal-demokratııalyq «Aýyl» partııa­sy­nyń, «Rýhanııat» partııa­sy­nyń, «Ádilet» demokratııalyq par­tııasynyń, Jalpyulttyq so­sıal-demokratııalyq partııasy­nyń, Qazaqstannyń «Aq jol» de­mokratııalyq partııasynyń jáne Qazaqstan Kommýnıstik halyq­tyq partııasynyń tizimderi. Ortalyq saılaý komıssııasy birinshi partııalyq tizim – «Nur Otan» halyqtyq-demokratııalyq partııasynyń tizimin tirkedi. «Nur Otan» partııasynan tirkelgen kandıdattar arasynda 6 ult­tyń ókili bar, kandıdattardyń 20 paıyzdan astamy áıelder. Par­tııalyq tizimge engizilgenderdiń jartysynan kóbiniń jasy 55-ke deıingi azamattar, eń jas úmitker – 35 jasta. Barlyq kandıdat­tar­dyń joǵary bilimi bar. Olardyń 40 paıyzǵa jýyǵy zańgerler men ekonomıster, 35 paıyzdan asta­my halyq sharýashylyǵynyń túr­li salalarynyń mamandary. Partııa usynǵan 50 kandıdat buryn Parlament depýtaty bol­ǵan (49-y burynǵy májilismen, 1-eýi senator). Sondaı-aq ǵylym, má­denıet pen bilim qaırat­ker­le­ri, belgili sportshylar, kommer­sııa­lyq qurylymdardyń, memlekettik organdar men mekeme­ler­diń qyzmetkerleri de bar. Kún­tizbelik josparǵa sáıkes par­tııa­lyq tizimderdi tirkeý 15 jel­toqsanǵa deıin jalǵasady, al 16 jeltoqsannan bastap partııalar úgit jumysyna kirise alady. Keshe Ortalyq saılaý komıs­sııa­sy 2012 jylǵy 15 qańtarǵa ta­ǵaıyndalǵan Qazaqstan Respýb­lı­kasy Parlamenti Májilisi de­pýtattarynyń kezekten tys saı­laý­yndaǵy aqparattyq daýlardy qaraý jónindegi Qoǵamdyq keńes qurdy jáne tıisti erejeni bekitti. Qoǵamdyq keńestiń quramyna elimizge tanymal zańgerler, saıa­sat­tanýshylar, bedeldi respýb­lı­kalyq jáne jergilikti buqaralyq aqparat quraldarynyń basshy­la­ry­men qatar, tıisti ókiletti organdar – Ortalyq saılaý komıs­sııasy, Baılanys jáne aqparat mınıstrligi jáne Ádilet mı­nıstr­liginiń ókilderi kirip otyr. Qoǵamdyq keńes saılaý naý­qa­ny kezinde týyndaıtyn aqparat­tyq daýlardy alqaly qaraý úshin qurylǵan jáne Qazaqstan Res­pýb­lıkasy Ortalyq saılaý ko­mıs­sııasy janyndaǵy konsýlta­tıv­tik-keńesshi organ bolyp ta­by­lady. Qoǵamdyq keńestiń negizgi mindetteri: barlyq saılaý úderisine qatysýshylardyń buqa­ra­lyq aqparat quraldaryna teń qol jetkizýin qamtamasyz etýge jáne saılaý aldyndaǵy naýqan barysyn BAQ-ta shynaıy jarııa etýge járdemdesý; BAQ pen olar­dyń qyzmetkerleriniń saılaý úderisine qatysýshylarmen ózara qarym-qatynastardaǵy múddele­ri men zańdy quqyqtaryn qorǵaý; BAQ qyzmetinde ádep normalary men kásibı qaǵıdattardyń saqta­lýy­na yqpal etý, saılaý úderi­sine qatysýshylar men BAQ ara­syn­daǵy daýlardy jáne ózge de jaǵdaılardy sheshýge qatysý. Keńestiń quzyretine saılaý úderisine qatysýshylardyń jáne olardyń saılaý naýqany ýaqy­tyn­da saılaý zańnamasyn saq­taýy týraly ótinishterdi qaraý jáne olar boıynsha sheshimder qa­byldaý kiredi. Olar jurt­shy­lyqtyń nazaryna materıaldardy BAQ-ta jarııalaý nemese Ortsaı­laý­komnyń resmı ınternet-re­sýrsynda ornalastyrý arqyly jetkiziledi. Ortalyq saılaý komıssııa­sy­nyń otyrysynda, sondaı-aq más­lıhattar depýtattaryn saılaý boıynsha bıýlletender buryn belgilengendeı tórt emes, jeti óńirlik uıymda basylyp shyǵa­ty­ny týraly sheshim qabyl­dan­dy. Bul rette barlyq bıýlletender qajetti qorǵalý deńgeıimen qamtamasyz etiletin bolady. Ortsaılaýkomnyń otyry­sy­nan keıin ótken brıfıngte Komıssııa tóraǵasy Q.Turǵanqulov mass-medıa ókilderin saılaý naýqany barysy týraly habardar etti. Ortalyq saılaý komıs­sııa­sy­na túsip jatqan málimetterge sáıkes, 2011 jylǵy 7 jeltoq­san­daǵy jaǵdaı boıynsha máslı­hat­tar depýtattyǵyna 1861 úmitker usynylǵan. Olardyń ishinde ob­lystyq máslıhattarǵa – 188, Astana qalasynyń máslıhatyna – 17, Almaty qalasynyń máslı­ha­tyna – 12, aýdandyq máslıhat­tar­ǵa – 1349, qalalyq máslıhattarǵa 324 kandıdat bar. Al máslı­hat­tar depýtattyǵyna 24 kandıdat tirkelgen. 2011 jylǵy 16 qarasha men 6 jeltoqsan aralyǵyndaǵy kezeńde Ortsaılaýkomǵa 24 ótinish kelip túsken. Olardyń ishinde 18 óti­nish saılaý zańnamasyn túsindirý týraly, taǵy 6-ýy saılaý or­gan­dary men buqaralyq aqparat qu­raldarynyń qyzmetine baıla­nys­ty. «Saılaý komıssııalary mú­shelerin oqytý boıynsha jal­ǵasyp otyrǵan jumyspen qatar, óńirlerde saılaýshylar tizimderin jasaý jáne naqtylaý boıyn­sha belsendi jumys júrgizilip ja­tyr. Saılaý zańnamasyna sáı­kes, saılaýshylar tizimderin jasaý úshin jaýapkershilik jergilikti atqarýshy organdarǵa júktel­gen. Olar tolyǵymen salystyra tekserilgen jáne naqtylanǵan saılaýshylar tizimderin saılaý ýchaskelerine 25 jeltoqsannan keshiktirmeı tapsyrýy tıis. Al 30 jeltoqsannan bastap saılaý ýchaskelerinde saılaýshylardyń tizimdermen tanysýyna múmkindik beriletin bolady», – dep atap ótti Ortsaılaýkom basshysy. Álısultan QULANBAI.