Saılaýaldy tuǵyrnama sońǵy saraptan ótti

Qarashanyń sońǵy jeksenbisinde Al­ma­tyda «Aq jol» demo­kra­tııalyq par­tııa­synyń H sezi bo­lyp, onda saılaýaldy tuǵyrna­ma­nyń alǵashqy nusqasy tyńdalyp jáne Parlament saılaýyna túsetin adamdar tizimi belgilengen bo­latyn. Jalpy sany 79 adamdy tizimge engizgen aqjoldyq úmitkerlerdiń arasynda kásiporyn basshylary, iri bıznesmendermen qatar, elge barynsha tanymal ári ult jana­shy­ry bolyp júrgen talaı ǵa­lym­dar men aqyn-jazýshylar, jýr­nalıster, sportshylar bar. Solardyń ishinde Amangeldi Aı­ta­ly, Smaǵul Elýbaı, Israıl Saparbaı, Qazbek Isa, Baqyt Sár­sek­baev jáne t.b. belgili qazaq­standyqtar bar. Keshe «Aq jol» partııasynyń Astanadaǵy Ortalyq keńsesinde otyrys bo­lyp, onda sezd bary­syn­da tal­qy­lanǵan saılaýaldy tuǵyrna­ma­nyń sońǵy nusqasy bekitildi. Sezde barlyǵy 22 adam shyǵyp sóılep, usynylǵan tuǵyr­na­maǵa 100-den artyq ózgerister men tolyq­ty­rý­lardy qosý qa­jettigin aıtqan-tyn. Biz solardyń bárin esepke ala otyryp, saı­laý­aldy tu­ǵyrnamany tolyqtyryp ári barynsha pysyq­tap shyqtyq. Endi ol sizderdiń bekitýlerińizge usy­ny­lady, dedi partııa tóraǵasy Azat Perýashev. Sonymen birge, ol kirispe sózinde Qazaqstannyń az ýaqyttyń ishinde naryqtyq eko­nomıkaly elge aı­na­lyp, qoǵam­dyq, áleýmettik turǵyda turaqty damý jolyna túskenin atap ótti. – Azııa elderi arasynan birinshi bolyp EQYU-ǵa tóraǵalyq ettik. Qazir ıadrosyz álem jolyn­daǵy ha­lyqaralyq qozǵalystyń kóshbas­shy­sy bolyp kelemiz. Osy­nyń bári elimizdi syrtqa tany­tý jolyndaǵy ólsheýsiz tıimdi qa­damdar bolyp otyr. Árıne, bizde barlyq problema sheshimin tapty dep aıta almaı­myz. Ásirese, aýyl­dyń bolashaǵy, áleýmettik jaǵ­daıy tómen ot­ba­sylardyń máselesi bizdi qatty alańdatady, – dedi tóraǵa. Odan ári saılaýaldy tuǵyr­namanyń sońǵy nusqasy boıynsha Ortalyq keńes múshelerinen pikirlerin aıtý suraldy. Alǵashqy bolyp sóılegen Amangeldi Aıta­ly jetildirýdiń shegi joq ekenin aıta kelip, búgingi tańda osy tu­ǵyr­­na­manyń jaraıtyndyǵyn atap ótti. Bizdiń basqalardan bó­lektigimiz – osy zamanǵa saı ká­sipkerlikti damytýǵa, sonyń ishinde olardyń ulttyq múddeni, ha­lyqqa jan­ashyr­lyǵyn jaqtaý ja­ǵyna úlken mán berip otyr­myz. Saılaýaldy tuǵyrnamada sonyń bári kórse­til­gen, deı kelip, A.Aıtaly saılaý­shylar daýy­syn alý jolyndaǵy kúrestiń keıbir ádisteri týraly óziniń oılaryn ortaǵa saldy. – Biz BAQ múmkindikterin ba­rynsha tıimdi paıdalanýǵa tıistimiz. Sonyń ishinde ózimizdiń «Jas qazaq úni» gazetiniń tırajyn art­tyryp, onyń keńinen taralýyna múmkindik týdyrýymyz kerek. Amerıkada nekrologtan basqa dú­nıeniń bári saılaý úshin tamasha deıdi eken. Sondyqtan jeńýge múmkindik týdyra alatyn dú­nıeniń bárin qoldana bilýimiz kerek, – dedi ol. Osydan keıin de Ortalyq keńestiń birneshe múshesi sóılep, tuǵyrnamanyń sońǵy nusqasyn bekitý qajettigin aıtty. Otyrys qo­rytyndysynda «Aq jol» demo­kratııalyq partııasynyń saı­laýal­­dy tuǵyrnamasy bekitildi. Sonymen birge, osy otyrysta Azat Perýashev partııanyń birneshe baıyrǵy ári belsendi múshelerine Prezıdent Nursultan Nazarbaev­tyń Jarlyǵymen berilgen «Qazaq­stan Respýblıkasy Táýelsizdigine – 20 jyl» merekelik medaldaryn tabys etti. Nag­radtalǵandardyń arasynda Aqsa­qaldar keńesiniń tóraǵasy Amangeldi Aıtaly, partııa tóraǵasy­nyń orynbasary Lıýdmıla Jýlanova, «Jas qazaq úni» gazetiniń redaktory Qazbek Isa, «Melanj» AQ prezıdenti Sholpan Jarasova jáne t.b. boldy. Marapattalǵan­dardy partııa múshesi, tanymal ánshi Kenjeǵalı Myrjyqbaev ánmen quttyqtady. Jaqsybaı SAMRAT.