О́tken jyly oblys bıýdjeti 181 mıllıard teńgeni quraǵan. Bul aldyńǵy jylmen salystyrǵanda 11 mıllıard teńgege kóp. Osy qarjynyń 86 paıyzy respýblıkalyq bıýdjetten tarnsfert arqyly kelgen. Oblystyq máslıhattyń kezekti sessııasynda oblystyq qarjy basqarmasynyń basshysy Alma Júsipova ótken jylǵy bıýdjet qarjysynyń qaıda, nege jumsalǵanyn aıtyp berdi.
85 mıllıard teńge ekonomıkany, ásirese, aýyl sharýpashylyǵyn damytýǵa jumsalǵan. «Bıznestiń jol kartasy» memlekettik baǵdarlamasy aıasynda arqyly 203 jobaǵa sýbsıdııa berilgen. Oblysta birinshi ret 1,4 mıllıard teńge memlekettik-jeke menshik áriptestikke jumsalǵan.
Bıyl 3,7 mıllıard teńge baǵdarlamalarǵa bólingen. Onyń ishinde densaýlyq saqtaý salasyna eń kóp qarjy ketti, ol 574 mıllıon teńgeni qurady. Ol qarjy rentgen apparattaryn satyp alýǵa, «Jedel járdem» úshin shaqyrýlardy úılestiretin kol-ortalyǵyn qurýǵa jumsalmaq. Sport ta ıppodromdy jóndeý men sport klýbtar ashý úshin óz sybaǵasyn alady. Mekteprterge oqýlyqtar alý men kompıýterler satyp alý úshin 17 jáne 20 mıllıon teńge bólindi. Bıyl birinshi ret aýyldy aýyz sýmen qamtamasyz etýge úlken qarjy –9,4 mıllıard teńge shyǵarylyp otyr.
Oblys ákimi Arhımed Muhambetov bólingen qarjyny tókpeı-shashpaı, óziniń izine, maqsatty jumsalýy qatty nazarynda bolatynyn eskertti.
Názıra Járimbet,
«Egemen Qazaqstan»
Qostanaı