Zań jobalarynyń sapasyn arttyrý joly usynyldy

Qazirgi ýaqytta zań shyǵarý fýnksııasyn júzege asyrý barysynda Parlamenttiń depýtattary «Qazaqstan Respýblıkasynyń Zańnama ınstıtýty» MM-men birlesken jumys júrgizedi, sondaı-aq «Respýblıkalyq quqyqtyq aqparat ortalyǵy» RMK qamtamasyz etetin túrli aqparattyq-quqyqtyq júıelerdiń kontentin belsendi qoldanady. Bul uıymdar vedomstvolyq turǵydan Ádilet mınıstrligine baǵynyshty jáne zań jobasynyń tıimdiligin arttyrýǵa, Úkimet qyzmetin quqyqtyq turǵydan qamtamasyz etýge, eldegi quqyqtyq saıasatty qalyptastyrý men iske asyrýdyń yqpaldy tetigin jasaýǵa baǵyttalǵan aıryqsha mindetterdi oryndaıdy. Sonymen qatar quqyqtyq ǵylymnyń rólin kúsheıtý maqsatynda Zańnama ınstıtýty quqyq jáne zańnama salasynda irgeli jáne ǵylymı-qoldanbaly zertteýler júrgizedi, olardy jetildirý baǵyttary boıynsha usynystar ázirleıdi.  

Aldaryna qoıylǵan maqsat­tarǵa jetý úshin osy eki uıym qyzmetkerleri kún saıyn qu­qyq­tyq aktilerdiń jobalaryn ázirleýden bastap, olar res­mı jarııalanǵanǵa deıingi quqyq­tyq shyǵarmashylyq prosestiń barlyq satysynda úlken jumys atqarady.

Alaıda búgingi kúni olar­dyń alatyn eńbekaqylary atqaratyn jaýapty da aýqym­dy mindetterine sáıkes emes. Osy másele atalǵan uıym­dar kadrlaryn jıi aýysý­lar men turaqsyzdyqqa uryndyryp, yntalandyrýdyń tómendigi úlken problemalar týdyryp otyr. Oryn alǵan jaǵdaı elimizdegi zań jobalaý jumy­synyń sapasyna keri áser etýi múmkin.

Osyǵan baılanysty­ biz Zań­nama ınstıtýty men Respýb­lıkalyq quqyq­tyq­ aqparat ortalyǵy qyzmetker­leriniń materıaldyq jaǵdaıyna alań­­daýshylyq bildire otyryp, olardyń zań shyǵarý sa­la­syn­daǵy jumysyn kú­sheıtý, kon­sýltasııalyq qyzmetter naryǵyndaǵy ma­­ńyzdylyǵyn arttyrý maq­satymen olardy biriktirý arqyly kommersııalyq uıym nysanynda áreket ete­tin kásipkerlik qyzmetke qa­­tystyrý múmkindigin qa­rastyrý kerek dep paıymdaı­myz. Bul bıýdjettiń únem­delýine járdemdesip, atal­ǵan uıymdardy ustaý shy­ǵyn­­daryn azaıtady, sonymen birge olardyń qyzmet kórsetý naryǵynda tabys tabýyna, sol arqyly eńbekaqylaryn arttyrýǵa jáne áleýmettik jaǵ­daıyn jaqsartýǵa múmkindik berer edi dep oılaımyz. Halyq­aralyq tájirıbege qaraıtyn bolsaq, osyndaı Zańnama ıns­tıtýttary jáne quqyqtyq aq­parat ortalyqtary ózderiniń kóptegen qyzmetterin aqyly negizde kórsetedi. 

Biz osy aıtylǵan másele­lerdi Úkimet basshysy B.Saǵyn­taev­tyń quzyry­na jet­kizip, zań jobalaý jumysynyń sapasyn jáne júrgiziletin quqyqtyq reformalardyń tıimdiligin arttyrý maqsatynda atalǵan uıymdardy biriktirip, olar­ǵa kommersııalyq uıym márte­besin berý múmkindigin qa­rastyrýdy ótindik. 

Asqar BEISENBAEV, Senat depýtaty