О́ńirde jazǵy demalysta «Ekologııa», «Qurylys» jáne «Shyǵarmashylyq» baǵyttary boıynsha 2700 stýdent eńbek etpek.
Oblystyq shtabqa memlekettik áleýmettik tapsyrys aıasynda 69 mıllıon teńge bólingen. Jyl saıyn «Jasyl eldikterdiń» qatary kóbeıýýde. Eńbekaqylary 35-80 myń teńge. «Jasyl el» oblystyq shtabynyń komandıri Zaýyr Sovettiń aıtýynsha, oblys ortalyǵyndaǵy memlekettik pedagogıkalyq ýnıversıtettiń «Marǵulan ortalyǵymen» birge jastar sakraldy oryndardyń aýmaǵyn tazalap, qorshaýmen aınalysady. Iаǵnı, Ekibastuzdyń Áýlıekól, О́leńti, Aqbıdaıyq, Baıanaýyldyń Toraıǵyr ózeni men Kempirtas eskertkishi, Maı aýdanynyń Kemertuz aýylyna attanady.
О́tken jyly jumysyn bastaǵan sý astyndaǵy otrıad jumysy bıyl da jalǵasady. Taǵy bir bastama- 1000 aǵash kóshetin otyrǵyzbaq. Buǵan deıin stýdentter saıabaqta, aýlalarda 100 aǵash ekti. Qala ishinde shaǵyn senbilik ótkizip, 300 qap qoqys shyǵardy. Oblys ákimdigi «Jasyl eldikterge» óńir ekologtarymen birlese jumys jasaýdy tapsyrdy. Jastardy jumyspen qamtý boıynsha óńirdegi qurylys kompanııalarymen de kelisimsharttar jasalǵan.
Farıda Byqaı,
«Egemen Qazaqstan»
Pavlodar