Parlament Senatynyń depýtattary Sáýle Aıtpaev pen Dınar Nóketaeva 6-8 maýsymda Vılnıýstegi Áıel kóshbasshylardyń sammıtine qatysty. Jyl saıynǵy forýmǵa álemniń 90-nan astam elinen 300-den astam saıasatker, parlamentshi áıelder, bıznes pen qoǵamdyq uıymdardyń ókilderi qatysty, dep habarlaıdy palatanyń baspasóz qyzmeti.
«Ýaqyt keldi: Iske kirisý úshin 100 sebep» uranymen ótkizilgen shara áıelderdiń jahandyq saıasat pen ekonomıkaǵa teńdeı qatysý máselelerine arnaldy. Sammıtke qatysýshylar áıelderdi memlekettik isterge belsendi túrde tartý, qazirgi zamanǵy tehnologııalardyń kómegimen ekonomıkalyq qana emes, áleýmettik damýdy qamtamasyz etýdiń keleshegin talqylady. Sonymen qatar kún tártibine halyqaralyq qaýipsizdik, adam quqyqtaryn qorǵaý, halyq densaýlyǵyn saqtaý máseleleri engizildi.