Áriptestik áleýet áńgimelendi

Nıý-Iorkte qazaqstandyq-amerıkalyq ınves­tısııa­lyq forým bolyp ótti. Forýmǵa qatysýshylar munaı-gaz jáne atom óndirisi, jańǵyrtylatyn energııa kózderi, telekommýnıkasııa, ekonomıkanyń agrarlyq jáne qarjylyq sektorlaryndaǵy áriptestik múmkin­dik­terin talqylady. Forým AQSh-tyń ın­ves­tısııalyq kúntizbesindegi jyl saıynǵy oqıǵalardyń ishindegi ajyramas bóligi bolyp taby­la­dy jáne eń joǵary deń­geı­degi qoldaýǵa ıe. Onyń ju­my­syna eki taraptyń memlekettik organ ókilderi men bıznes top­tary qatysty. Qazaqstandyq delega­sııa­ny Ekonomıkalyq ın­te­gra­sııa isteri mınıstri Janar Aıtjanova basqaryp bar­dy. Tikeleı jelide júr­gi­zilgen telekonferensııa arqy­ly Premer-Mınıstr Kárim Másimov forýmǵa qatysýshy­la­rǵa quttyqtaý sózin jetkizdi. Ol óz sózinde elimizdiń táýel­sizdiktiń 20 jylynda qol jetken jetistikterin atap ótip, mem­leketimizdiń qazirgi ekono­mı­kalyq saıasatynyń negizgi maq­sat­tarymen tanystyrdy. Al Qa­zaqstannyń AQSh-taǵy Tótenshe jáne ókiletti elshisi Erlan Ydy­rysov táýelsiz Qa­zaqstan damý­yn­daǵy AQSh eliniń mańyzdy rólin jetkizse, «Samuryq-Qa­zy­na» UÁQ» AQ basqarma tór­aǵa­synyń oryn­ba­sary Aıdyn Ká­ribjanov álemdik qarjy daǵ­da­ry­synyń kezekti tolqyny týýy­nyń múmkindigin kórsete oty­ryp, qor damýdyń negizgi 3 ba­sym baǵytyn aıqyndap alǵan­dy­­ǵyn baıandady. Qazaqstandyq-amerıkalyq ınvestısııalyq fo­rý­my barysynda 7 seksııa boı­yn­sha talqylaýlar ótti. «Egemen-aqparat».