Eýropa fýtbol qaýymdastyqtarynyń odaǵy ÝEFA 51-shi Kongresi 2027 jyly 4 naýryzda Astanada ótetinin resmı túrde jarııalady, dep jazady Egemen.kz.
Bul sheshim Brıýsselde ótken ÝEFA-nyń 50-shi Kongresinde habarlandy. Kongreske Qazaqstan fýtbol federasııasynyń Bas hatshysy Davıd Lorııa qatysty.
ÝEFA Kongresi – uıymnyń eń joǵary basqarýshy organy. Jyl saıyn ótetin Kongreske 55 ulttyq qaýymdastyqtyń ókilderi jınalady. Is-shara aıasynda Eýropadaǵy fýtboldyń strategııalyq damýyn aıqyndaıtyn negizgi sheshimder qabyldanady, qarjylyq jáne uıymdastyrýshylyq máseleler bekitiledi, halyqaralyq jarystardy ótkizýge qatysty máseleler qaralady, sondaı-aq ÝEFA-nyń basshy organdary saılanady.
«Atyraý» fýtbol klýby aldaǵy oıyndaryn Túrkistanda ótkizedi
Aıta keteıik, 51-shi Kongress saılaý formatynda ótedi. Astanada ÝEFA prezıdenti men Atqarýshy komıtet músheleri saılanady. Osylaısha, Qazaqstanda aldaǵy jyldary Eýropa fýtbolyn damytý baǵytyn aıqyndaıtyn sheshimder qabyldanady.
Kongresti ótkizý quqyǵy uıymǵa múshe elderge senim bildirý men olardyń fýtboldy damytýǵa qosqan úlesin moıyndaý belgisi retinde beriledi. Qazaqstanda 51-shi Kongrestiń ótýi elimizde buryn-sońdy ótken eń iri halyqaralyq fýtbol jıyndarynyń biri bolmaq jáne elimizdiń eýropalyq fýtbol qaýymdastyǵyndaǵy pozısııasyn nyǵaıtýǵa, sondaı-aq sport salasyndaǵy halyqaralyq yntymaqtastyqty keńeıtýge múmkindik beredi.
Fýtboldan Qazaqstan quramasynyń qarsylastary belgili boldy
ÝEFA Kongresiniń Qazaqstanda ótýi – otandyq fýtbol úshin mańyzdy kezeń. Bul Eýropa fýtbol qaýymdastyǵy tarapynan joǵary deńgeıdegi senimniń aıqyn kórinisi.
Kongresti uıymdastyrý jáne ótkizý ÝEFA qarajaty esebinen júzege asyrylady. Iаǵnı, bul jumystarǵa memlekettik bıýdjetten qarjy jumsalmaıdy jáne eýropalyq fýtbol uıymynyń halyqaralyq yntymaqtastyqty damytýǵa qosqan tikeleı úlesi bolyp esepteledi.
«Qaırat» fýtbolshylary grant ıegeri atandy