Jaqynda О́skemendegi Pýshkın atyndaǵy oblystyq kitaphanada Shyǵys Qazaqstan oblysy ákiminiń qoldaýymen Qazaqstannyń halyq jazýshysy Ázilhan Nurshaıyqov týraly zamandastarynyń, dostarynyń, jerlesteriniń jáne áriptes qalamgerlerdiń estelikter kitaby jaryq kórdi. Ony «Shyǵys aqparat» baspasy «Áz-aǵa» degen atpen kóz tartatyndaı kórikti etip shyǵardy.
Kitaptyń tusaýkeserine Á.Nurshaıyqovtyń nemereleri, belgili jazýshy, fılologııa ǵylymdarynyń doktory, Áz-aǵanyń janynda uzaq jyldar birge júrgen Nurdáýlet Aqysh, aqyn-jazýshylar qatysty. Jıynda óńir basshysy Berdibek Saparbaev:
– Elbasy N. Nazarbaev halqymyzdyń dara jazýshysy Ázilhan aǵany erekshe qurmetteıtin. «Áz-aǵa» – naǵyz halyq jazýshysy edi. Onyń árbir týyndysyn jurtshylyq qyzyǵa oqıtyn» dep Ult kóshbasshysy atap kórsetken bolatyn. Endeshe, Áz-aǵań týraly bul estelik kitaby qundy dúnıe. Kúni keshe Azııa oıyndarynda jasy 90-ǵa aıaq bassa da týǵan eline kelip, basyn ıdi. Amanshylyq bolsa, keler jyly jazýshy aǵanyń 90 jyldyq mereıtoıyn el esinde qalarlyqtaı atap ótý oıda bar, – dedi óńir basshysy.
Ońdasyn ELÝBAI,
О́skemen.