Otanymyzdyń Táýelsizdik alǵanyna 20 jyl boldy. Osy ýaqyt ishinde aýyldy jerde turyp jatqan bizder de uly kúnge azdy-kópti úlesimizdi qosyp jatyrmyz. 90-shy jyldardyń basyndaǵy qıyn kezeńde qııýy ketken kóp tirlik qaıta jandandy. Ary-beri kósh toqtap, halyq ornyǵa bastady. Aýylymyzdyń bas kóterer azamattary birigip, keıingige úlgi bolar iske uıytqylyq kórsetýde. Bir kezderi qaraýsyz qalǵan 450 oryndyq mádenıet úıi jóndeýden ótkizildi. Kóshelerge asfalt tóselip, 140 oryndyq balabaqsha búldirshinderge esik ashty.
Aldyńǵy tolqyn aǵalardy qurmettep, olardyń eńbegin keıingi urpaqqa tanystyrý maqsatynda da atqarylǵan ister barshylyq desek, eldigimizdiń 20 jyldyq merekesi qarsańynda Uly Otan soǵysynyń ardagerleri men tyl eńbekkerlerine arnalǵan eńseli monýment ashyldy. Bul ıgilikti iske aýylymyzdyń túlekteri S.Ábdiqalıev, A.Soltanbekov, E.Qaıypjanov, S.Dárkenbaev, B.Jamalbekov, E.Sybanbaev, A.Aımambekov, A.Moldasanov, taǵy basqalar qarjylaı kómektesse, monýment jobasyn Nábıjan Doseke jasady. Osy jumysqa uıytqy bolǵan azamat, aýyl ákimi Aıtjan Qashaǵanov ekenin de aıta ketsem deımin.
Dıdar JANBOLATULY, O.Jandosov atyndaǵy orta mekteptiń muǵalimi.
Almaty oblysy,
Eńbekshiqazaq aýdany.