Kóliktik medısına kómegi

«Egemen Qazaqstannyń» arnaıy jobasy: Jasampazdyq jemisteri

Jıyrma jyldyń ishinde atqarylǵan ıgi isterdiń arqasynda árbir óńirimiz ózgerip, ómirimiz jaqsaryp keledi. «Egemen Qazaqstan» gazeti osyndaı órkendi ózgeristerdi beıneleıtin materıaldardy turaqty jarııalap turady. Tómende elimizdegi kóliktik medısına  tynysyna arnalǵan fotoreportaj berilip otyr. Memleket basshysynyń «Bolashaqtyń irgesin birge qalaımyz» atty Qazaqstan hal­qyna bıylǵy Jol­daýyna sáıkes jáne Qazaq­stan Respýblıkasynda den­saý­lyq saqtaýdy damytýdyń 2011-2015 jyldarǵa ar­nalǵan «Salamatty Qazaqstan» memlekettik baǵ­dar­lamasy sheńberinde halyqqa, ásirese, eldiń shalǵaı jáne barýǵa qıyn óńirlerindegi aýyl halqyna medı­sı­nalyq járdemniń qoljetimdi­ligin qamtamasyz etý úshin kóliktik medı­sınany damytý josparlanyp otyr. Osy maqsattarǵa qol jetkizý úshin 2010-2011 jyldary jalpy somasy 4,3 mıllıard teń­ge­ge zamanaýı medısınalyq jabdyqtar­men ja­raq­tan­dyryl­ǵan jáne dárigerler brı­gada­lary­men jasaqtalǵan 50 jyljymaly medısınalyq keshen (JMK) satyp alý qarastyrylǵan. Qazirgi kúni JMK-ny 2011 jyldyń sońyna deıin jet­kizip berý úshin konkýrstyq prosedýralar ót­ki­zildi. Búginde JMK-nyń medısı­na­lyq baqylaýymen 98324 adam qamtylyp, 68816 dıagnostıkalyq zertteýler, 46078 zerthanalyq zertteýler júrgizildi já­ne sala­lyq mamandar tarapynan 86226 konsýltasııalar ótkizildi. Sanıtarlyq avıasııany damytý qozǵalys qaýipsizdiginiń birqatar problemalaryn sheshýge jáne respýblıkalyq, sonymen birge ob­lys­tyq maqsattaǵy kúrejoldarda jol-kólik oqıǵalary kezinde zardap shekkenderge ýaqy­ty­ly medısınalyq járdem kórsetýge múm­kindik beredi. Densaýlyq saqtaý mınıstriniń 2011 jyl­ǵy 14 sáýirdegi «Sanıtarlyq avıasııa jónin­degi respýblı­ka­­lyq úılestirý ortalyǵy týra­ly» №199 buıry­ǵymen 2011 jyldyń shilde aıynan 268 ushý uıym­das­ty­rylyp, dáriger-reanımatologtardyń, hırýrg­ter­diń, ýrolog­tar­dyń, akýsher-gınekologtardyń jáne pe­dıatrlardyń qatysýymen 115 konsýltasııalar ót­kizildi. Sonymen birge, 25 jaǵdaıda jergilikti oryn­da medısınalyq járdem (operasııa jasaý) kórsetildi. Memleket basshysynyń 2011 jyldyń 28 qańta­ryn­daǵy «Bolashaqtyń irgesin birge qa­laımyz» atty Joldaýyna sáıkes 2011-2015 jyldary sanı­tarlyq avıasııa muqtaj­dary úshin 16 tikushaq sa­typ alynatyn bolady. Qazirgi ýaqytta «Ka-32A11VS» úlgisindegi 2 tikushaqty, «ES-145» úlgisindegi 4 tik­ushaq­ty jáne «ES-145» tikushaǵyn saqtaý jáne tehnıkalyq qyzmet kórsetý úshin qajet angar jetkizip berý jóninde kelisim-shart ja­saldy. 2011-2015 jyldary avtojoldardyń ne­ǵur­lym apattyq qaýipti degen ýchaskelerinde 40 kúrejoldyq medısınalyq-qutqarý pýnkt­terin qurý josparlanyp otyr. 2011 jyly olardyń 6-ýy, 2012 jyly – 6-ýy jáne 2014-2015 jyldary 14-i qurylatyn bolady. Kúrejoldyq medısınalyq-qutqarý pýnkt­terin qu­rý­ǵa 2011 jyly memlekettik baǵ­dar­lama sheńberin­de 378,5 mıllıon teńge aqshalaı qarjy qarastyrylǵan. Tótenshe jaǵdaılar mınıstrliginiń jos­parly ju­mystaryna sáıkes 2011 jyly «Den­saýlyq» jáne «Járdem» konsýltatıvtik-dıagnostıkalyq poıyz­dary Batys jáne Ońtústik óńirler halqyna medı­sı­nalyq jár­dem kórsetti. Atalǵan poıyzdar 91 stansada medısınalyq járdem kórsetip, 40131 adamnyń, olar­dyń ishinde 11744 balanyń densaýlyqtaryn qarady. Dárigerlik qaraýlar sany 220096-ny qurady. 144427 dıagnostıkalyq tekserýler júr­gizildi (ishki organdardy ÝZI-tekserýler – 40777, spırografııa – 729, bas mıyn ehoense­fa­logııalyq jáne ýltra­dy­bys­ty dopplerografııalaý – 4576, elektrokardıografııa – 9733, kóz ishi qy­symyn ólsheý – 9610, rentgendik tekserý – 9414, ezofagogastrodýodenoskopııa – 2362, klını­ka­lyq-bıohı­mııalyq taldaý – 67233), 190 shaǵyn ambý­latorııalyq operasııalar jasaldy. Mammologtar 5340 áıeldi qarap, 10114 tur­ǵynǵa stomatologııalyq járdem kórsetildi. Memleket basshysynyń «Bolashaqtyń irgesin birge qalaımyz» atty Joldaýyna sáı­kes ústimizdegi jyl­dyń 26 qyrkúıeginde úshinshi konsýltasııalyq-dıagnos­tıkalyq «Sa­­la­­mat­ty Qazaqstan» poıyzy jolǵa shyǵyp, oǵan Den­saý­lyq saqtaý mınıstrligi jalpy so­masy 47330,0 mıllıon teńge bolatyn 122298 konsýl­tatıvtik-dıagnostıkalyq qyz­metke qoldaý kórsetti. Úshinshi konsýltasııalyq-dıagnostıkalyq «Sa­la­­mat­ty Qazaqstan» poıyzy 2011 jyl­dyń 26 qyr­kú­ıegi men 30 qarashasy arasynda jolǵa shyǵyp, res­pýb­lıkanyń Pavlodar, Aqmola jáne Qostanaı oblys­tary­nyń tur­ǵyndaryna medısınalyq járdem kórsetti. 60 kúnniń qorytyndysynda «Salamatty Qa­zaq­­stan» poıyzy 3,4,5 klastaǵy 30 stansada jáne olarǵa jaqyn eldi mekenderdegi halyq­qa medısınalyq qyzmetter kórsetti, dáriger­ler 12353 adamdy, onyń ishinde 3492 balany qarady. Dárigerlerdiń qaraý sany 38528-di qurady. 20092 dıagnostıkalyq prosedýralar ótkizildi (ishki organ­dardy ýltradybysty tekserý – 5882, spırografııa – 147, bas mıyn ehoen­se­falogııalyq jáne ýltra­dy­bys­ty dopplerografııalaý – 2630, elektro­kar­dıografııa – 3079, kóz ishi qysymyn ólsheý – 2506, rentgendik tekserý – 710, ezofagogastro­dýo­deno­skopııa – 337, klınıkalyq-bıohımııalyq taldaý – 480), 44 shaǵyn ambýlatorııalyq operasııalar jasaldy. Mammologtar 1186 áıeldi qara­dy. Stomatologtar 3192 turǵynǵa járdem kórsetti. Tótenshe jaǵdaılar mınıstrligi 2012 jyl­dyń qańtarynan bastap konsýlta­tıv­tik-dıag­nostıkalyq «Densaýlyq», «Járdem» jáne «Sa­lamatty Qazaq­stan» poıyzdary­men halyq­qa medısınalyq járdem kórsetýdi odan ári jalǵastyrady. Josparlanǵan medı­sı­nalyq qyzmetter sany – 517056. Atalǵan qyzmetke qajetti shyǵyndar respýblıkalyq bıýdjetten bólinetin bolady.

Arnaıy betti daıyndaǵan,   Seıfolla ShAIYNǴAZY, «Egemen Qazaqstan».