Búgin Parlament palatalarynyń birlesken otyrysynda Qorǵanys mınıstri Sáken Jasuzaqov Elbasy Nursultan Nazarbaevtyń Birikken Ulttar Uıymy mıssııalaryna Qazaqstannyń áskerı qyzmetshilerin jiberý týraly usynysyn jarııalady.
«Parlamenttiń 2013 jylǵy 20 jeltoqsandaǵy №15 qaýlysyna sáıkes QR Qarýly Kúshteriniń ofıserlerin beıbitshilik pen qaýipsizdikti qoldaý jónindegi jartylaı mindetterdi oryndaý úshin BUU-nyń bitimgershilik mıssııalaryna áskerı baıqaýshylar retinde jiberý júzege asyrylady. 2014 jyldan bastap qazirgi ýaqytqa deıin 11 ofıser 12 aı Batys Saharada jáne Kot Dıvýarda BUU-nyń mıssııalaryna qatysty. Parlament maquldaǵan Gaıtı men Lıberııadaǵy basqa 2 mıssııaǵa jiberý kontıngent aýqymynyń qysqarýyna jáne BUU-nyń suraýynyń bolmaýyna baılanysty júrgizilmedi. Kot D`Ivýardyń turaqtalýyna baılanysty osy eldegi BUU-nyń mıssııalaryna áskerı baıqaýshylar munan ary jiberilmeıdi», - delingen Elbasy usynysynda.
Sonymen qatar Memleket basshysynyń dereginshe, qazirgi ýaqytta Batys Saharada BUU-nyń mıssııasynda Qazaqstannyń 5 áskerı qyzmetshisi qyzmet atqarýda. Kóptegen qazaqstandyq ofıserler bitimgershilikke qosqan úlesi úshin medaldarmen nagradtaldy jáne mıssııalardan alǵys aldy. Sondaı-aq Saharada BUU-nyń mıssııasynda basshylyq laýazymdarǵa taǵaıyndalǵan qazaqstandyqtar da bar.
«BUU-nyń basshylyǵy áskerı qyzmetshilerdiń daıarlyq deńgeıine joǵary baǵa berdi jáne olardyń sanyn arttyrýǵa múddelilik tanytýda. Osyǵan baılanysty bitimgershilik qyzmetke qatysýdy keńeıtý maqsatynda áskerı baıqaýshylar men shtabtyq ofıserlerdi, QR Qarýly Kúshteriniń ofıserlerin BUU-nyń mıssııalaryna qatysý geografııasyn keńeıtý usynylady. Bul BUU-nyń bitimgershilik operasııasyn júrgizý aýmaǵyndaǵy qaýipsizdik pen aǵymdaǵy ahýal týraly aýqymdy aqparat alýǵa jáne osy aqparatty kontıngent quramynda mıssııaǵa odan ary qatysý jónindegi ustanymdy pysyqtaý úshin paıdalanýǵa múmkindik beredi. Odan basqa mıssııada bolý nátıjesinde alynǵan halyqaralyq standarttar jónindegi tájirıbe men jumys daǵdylary Qarýly Kúshterdiń elimizdegi oqý-jattyǵý talaptary ótkizetin oqý, bilim berý prosesinde qoldanylady. Komandalyq jáne shtabtyq laýyzymdarǵa taǵaıyndaý kezinde eskeriledi. Osy kontekste Qorǵanys mıınstrligi Syrtqy ister mınıstrligimen birlesip, qaýipsizdik salasyndaǵy áskerı-saıası yntymaqtastyǵy, saıası yntymaqtastyǵy jáne Qazaqstannyń basqa memlekettermen qarym-qatynastaryn eskere otyryp, basymdyq berilgen bitimgershilik mıssııalarynyń tizimin ázirledi», - delingen Prezıdent usynysynda.
Prezıdenttiń paıymynsha, BUU-nyń mıssııalaryndaǵy Qazaqstan áskerı baıqaýshylary men shtabtyq ofıserleriniń sanyn arttyrý halyqaralyq qaýipsizdikti nyǵaıtýǵa eleýli úles qosýmen qatar Qazaqstannyń bedelin BUU-nyń Qaýipsizdik Keńesiniń turaqty emes múshesi retindegi qyzmeti aıasynda halyqaralyq qaýipsizdiktiń jaýapty múshesi retinde nyǵaıta túsedi.
«Osy aıtylǵan mindetterdi sheshý úshin QR Konstıtýsııasynyń 53-babyna sáıkes mynalardyń quramynda áskerı baıqaýshylar men shtabtyq ofıserler retinde BUU-nyń mıssııalaryna qatysatyn QR Qarýly Kúshteriniń ofıserlerin 40 adamǵa deıin jiberý týraly usynys engizemin», - dedi Memleket basshysy.
Jalpy otyrysty ashqan Májilis spıkeri Nurlan Nyǵmatýlın eń aldymen QR Prezıdenti Nursultan Nazarbaevtyń QR Qarýly Kúshteriniń áskerı qyzmetshilerin BUU-nyń mıssııalaryna qatysý úshin jiberý týraly usynystary qaralatyndyǵyn málim etti.
«Qurmetti áriptester! QR Konstıtýsııasynyń 53-baby 5-tarmaqshasyna sáıkes Prezıdent usynysy boıynsha Parlament halyqaralyq mindettemelerin oryndaý úshin respýblıkanyń Qarýly Kúshterin paıdalaný týraly sheshim qabyldaıdy», - dep atap ótti. Elbasy usynysyn QR Qorǵanys mınıstri Sáken Jasuzaqov jarııalady.
Qazaqstan Prezıdenti Nursultan Nazarbaev el Parlamentine qazaqstandyq ofıserler jiberiletin BUU mıssııalarynyń tizimin usyndy. QR Prezıdenti QR Konstıtýsııasynyń 53-babyna sáıkes birqatar kontıngenttiń quramynda áskerı baıqaýshylar men shtabtyq ofıserler retinde BUU-nyń mıssııalaryna qatysatyn QR Qarýly Kúshteriniń ofıserlerin 40 adamǵa deıin jiberý týraly usynys engizgen bolatyn. «Birinshi - BUU-nyń Taıaý Shyǵystaǵy mıssııasy. Ekinshi - BUU-nyń Kıprdaǵy beıbitshilikti qoldaý jónindegi qarýly kúshteri. Úshinshi - BUU-nyń Úndistandaǵy jáne Pákistandaǵy áskerı baıqaýshylar toby. Tórtinshi - BUU-nyń Lıvandaǵy ýaqytsha kúshteri. Besinshi - BUU-nyń Batys Saharada referendým júrgizý jónindegi mıssııasy», - delingen Nursultan Nazarbaevtyń usynysynda. QR Parlamentiniń depýtattary Elbasynyń bul usynysyna tolyqtaı qoldaý bildirip, arnaıy Qaýly qabyldady.