Qazaqstandyq kólik jáne logıstıka týraly sapaly avtorlyq kontenti bar zamanaýı stıldi «Tranzıt.kz» jýrnaly Astanada úkimet múshelerine, ulttyq kompanııa basshylaryna, iskerlik jáne buqaralyq qaýymdastyq ókilderine tanystyryldy. Shyǵarylyp kele jatqanyna 11 jyl bolǵan jýrnaldyń jańa menshik ıesi rebrendıng jasap, jýrnaldy jańa deńgeıge shyǵarýdy sheshken.
Jańartylǵan jýrnal tanystyrylymyna kelgen qurmetti qonaqtar qatarynda QR ınvestısııalar jáne damý mınıstri Jeńis Qasymbek, «QTJ» UK» AQ basqarma tóraǵasy Qanat Alpysbaev, mádenıet jáne sport vıse-mınıstri Erlan Qojaǵapanov, aqparat jáne kommýnıkasııalar vıse-mınıstri Nurgúl Maýberlınova, taǵy basqa da memleket jáne qoǵam qaıratkerleri, kólik-logıstıkalyq kompanııa ókilderi boldy.
Qazaqstanda salalyq, sonyń ishinde elimizdiń kólik-logıstıkalyq damýy týraly baıandaıtyn basylymdar kóp emes. Sondyqtan jańa menshik ıesi Erjan Seıitqazynov dál osy baǵytqa qarjy ınvestısııalaýdy uıǵarǵan.
«Men úshin «Tranzıt.kz» jýrnaly jaı medıa joba emes, bul úlken syn. Qazaqstanda kólik salasy - eń basym baǵyttardyń biri. Biz geografııalyq turǵydan Qytaıdy Reseımen temirjolmen, avtojoldarmen baılanystyramyz. Kaspıı teńizinde bizdiń teńiz kompanııamyz – eń iri kompanııalardyń biri. Barlyq Azııada bizdiń áýetasymaldaýshymyz kóshbasshy atandy. Iаǵnı biz Eýrazııa ortalyq haby bolyp eseptelemiz. Sondyqtan men elimizdiń pıaryna kishkene bolsa da úlesimdi qosyp, týrısterdi, ınvestorlardy tartýǵa kómekteskim keledi. Jýrnaldyń jańa urany – «Eýrazııa júregi arqyly». Komandamyzben osy tapsyrmany oryndaımyz dep úmittenemin», – dedi bas redaktor, Erjan Seıitqazynov.
Tusaýkeserde sóz sóılegen ınvestısııa jáne damý mınıstri Jeńis Qasymbek basylymnyń mańyzdylyǵyn atap ótti.
«Elimizdiń JIО́-inde kólik jáne kommýnıkasııa úlesi 8%-dan asady. Bul Qazaqstan ekonomıkasyna aıtarlyqtaı qomaqty salym. Biz eki iri naryq, Qytaı men Eýropa, ortasyndamyz. Sondyqtan kólik jáne logıstıka – Qazaqstan úshin mańyzdy sala. Bul jumystar týraly saýatty jazý – BAQ, sonyń ishinde «Tranzıt.kz» jýrnalynyń mindeti. Biz basylym ujymy men basshylyǵyna kásibı jetistikter tileımiz. Jýrnal bizge óte qyzyqty, jáne biz óz tarapymyzdan tehnıkalyq, aqparattyq qoldaý kórsetemiz. Osy sala basshysy retinde bar praktıkalyq kómegimdi kórsetýge ýáde beremin. Bizde úlken kólemde aqparat, jańa ıdeıalar, jobalar bar, jáne osy aqparatty sizdiń jýrnal arqyly halyqqa qýana jetkizýge daıynbyz», – dedi mınıstr.
«QTJ» UK» AQ basshysy Qanat Alpysbaev tranzıtke kúres tek kólik salasynda emes, buqaralyq aqparat quraldary alańynda da júrip jatqanyn atap ótti.
«Bul jýrnaldyń qaıta jaǵaryp shyǵýy Qazaqstannyń tranzıttik hab retinde jaıǵasýynyń jańa deńgeıin bastaıdy dep oılaımyn. Bul -bizge Elbasynyń qoıǵan maqsatty tapsyrmasy. Birqatar strategııalyq bastamalar júzege asyrylyp jatyr, olardy jan-jaqty jarııalaý qajet. Jýrnal jaryq kórgennen bastap, tek aqparattyq qana emes, saraptamalyq baǵyttaǵy aıdarlar da shyǵa bastaıdy dep úmittenemin. Meniń oıymsha, bizge kóbine qazirosyjetispeı tur. Árıne, biz kólik salasy retinde, ulttyq holdıng retinde bul jobaǵa barynsha qoldaý kórsetemiz. Ujymǵa aq jol, sheksiz temir magıstralder, uzyn avtojoldar men ashyq aspan tileımin!» – dep quttyqtady Qanat Alpysbaev.
Erlan Qojaǵapanov óz kezeginde saıahat taqyrybyn damytý mańyzdylyǵyn atap ótti. Kóliktik jáne týrıstik salalar ózara tyǵyz baılanysty.
«Bul basylym maǵyzdylyǵyn asyra baǵalaý múmkin emes. Ásirese qazir ekonomıkamyz belsendi damyp, jyl saıyn tranzıtten túsimder ósip jatyr. Tasymaldaýdyń týrızm salasyndaǵy rólin basa aıtqym keledi. Qazir úkimet Elbasy tapsyrmasy boıynsha bul baǵytqa úlken nazar aýdarýda. Áıtpese myńdaǵan kılometr ne úshin salyndy – árıne, týrızmdi damytý úshin. Búgin Qazaqstanǵa 7,5 mıllıonnan astam adam kelip, onyń shamamen 3,5 mıllıony tranzıt tártibinde júredi. Jyldan jylǵa bul san óse beredi. Sáttilik tileımiz, jýrnaldyń oqyrmandary kóbeıe bersin», – dedi ol.
Aqparat jáne kommýnıkasııa vıse-mınıstri Nurgúl Maýberlınova jýrnaldyń Elbasynyń kólik-logıstıkalyq salasyndaǵy ózgerister týraly halyqty qulaqtandyrý týraly tapsyrmasyn ońaı oryndaıtynyna senimdilik bildirdi.
«Tranzıt.kz» respýblıkalyq jýrnaly 2007 jyldyń maýsymynan beri ár toqsan saıyn shyǵarylyp kelgen. Endi ol aı saıyn jarııalanady.