Ulttyq dombyra kúni ulyqtalady

Jıynǵa Astana qalasy máde­nıet jáne sport basqar­masynyń basshysy Bolat Majaǵulov, Par­lament Májilisiniń depýtaty, Qazaqstan Respýblıkasynyń eńbek sińirgen ártisi Bekbolat Tileýhan, Qazaqstannyń eńbek sińirgen ártisi, kúıshi Seken Turysbek, professor, kúıshi Aıtjan Toqtaǵan jáne Astana qalasy ákimdiginiń Memlekettik akademııalyq fılarmonııasy Qazaq orkestriniń kórkemdik jetekshisi ári bas rejısseri, kompozıtor Aıtqalı Jaıymov qatysty.

Elbasy Nursultan Nazarbaevtyń Jarlyǵymen beki­tilgen jańa meıram – Ult­tyq dombyra kúni jyl saıy­n shilde aıynyń alǵashqy jek­senbisinde atalyp ótiletin bolady. Bıyl bul merekeniń tusaýkeseri 1 shildege týra kelip otyr. Aıtýly dombyra dýmanyna qatysýǵa qazirdiń ózinde 1300-den asa ótinim kelip túsken.

 – Ulttyq dombyra kúnine oraı elimizdiń myńdaǵan mýzykant dombyrashysynyń qatysýymen ótetin «Dombyra – asyl mura» atty konsert atalǵan merekeniń kórkin kel­tirip, qazaq dalasyn ulttyq aspaptyń kúmbirine bóleıtini sózsiz. Aıtýly sharada óner jana­shyrlary tanymal qoǵam qaı­ratkerleri Seken Turysbek, Bek­bolat Tileýhan, Aıtjan Toq­taǵan, Aıtqalı Ja­ıymov, Aıgúl Úlkenbaeva, Nurjan Táji­kenov, Asylbek Eń­sepov, «Art dombyra» trıosy men «MýzArt» toby bastaǵan óner­pazdardyń ónerin tamashalaıdy. Sonymen qatar atalǵan sharanyń taǵy bir ereksheligi – merekelik kon­sertke asyldombyra.kz saıtynda onlaın tirkelip, «Kóńilashar», «Adaı», «Balbyraýyn», «Sary­ar­­qa», «Erke sylqym» kúı­lerin jatqa biletin kez kelgen oryndaýshy qatysa alady. Arqa tósin kúmbirlegen dombyra únine, ulttyq rýhqa bóleıtin mundaı aýqymdy shara elordada buryn-sońdy bolǵan emes», – dep B.Majaǵulov aıtýly dýmannyń negizgi ereksheligi men mańyzyna toqtalyp ótti.

Joǵaryda atalǵan tizimnen bólek, bas shahardaǵy Ulttyq dombyra kúnin merekeleýge, son­daı-aq Qurmanǵazy atyn­daǵy Qazaq memlekettik ulttyq aspaptar orkestri, «Otyrar sa­zy» ulttyq aspaptardyń folk­­­­lorlyq-etnografııalyq or­­kestri, Astana qalasynyń mem­­lekettik akademııalyq fılar­­monııasynyń Ulttyq aspap­tar orkestri jáne Aqtaý qala­synyń Qazaq ulttyq aspaptar or­kestri arnaıy kelip óner kórsetedi.

Mádenıet jáne sport bas­qar­masynyń basshysy Bolat Baýyr­janulynyń aıtýynsha, Ulttyq dombyra kúniniń qurmetine As­tanada halyqtyq serýen uıym­dastyrý josparlanýda. Munda óner jankúıerleri men qala qonaqtary atalǵan sharaǵa arnaıy tigilgen kıiz úılerdiń ishinen dombyradan bólek, basqa da ulttyq aspaptardyń san alýan túrin kórip, olardyń tarıhymen tanysýǵa múmkindik alady. Kásibı mýzykanttar halyq shyǵarmalaryn oryndaıdy. Sonymen qatar dál osy kúni jınalǵan qaýym dombyra jasaý barysymen tanysyp, «Qazaq Eli» monýmenti aldyndaǵy alań­da Orteke ónerin de tamashalaı alady.

– 1 shildede «Qazaq Eli» monýmentiniń aldyndaǵy alańda halyqtyq serýen ótedi. Kıiz úı­ler tigilip, qa­zaq ulttyq aspap­tarynyń mý­zeıi ashylady. Mý­zeıde Qur­manǵazy, Dına Nur­peıisova, Ahmet Jubanov já­ne taǵy da basqa kóptegen kúı óneri sheber­leriniń tartqan dom­byra­lary kópshilik nazaryna usynylady. О́ıtkeni dom­­byranyń qazaq ómirinen alar orny úlken. О́skeleń urpaq­ty ultjandylyqqa, rýhanı tereń­dikke tárbıeleımiz desek, bul sharanyń máni ora­san. Buǵan Elbasymyz da ózi­niń «Rýhanı jańǵyrý» baǵdar­lamalyq ma­qalasynda aıryq­sha nazar aýdartqan bolatyn. Dom­byra sekil­di basqa eshbir mýzykalyq aspap ultymyzdy osylaı birik­tirip, rýhymyzdy kótere alamaıdy», – dedi B.Majaǵulov.

Kómeıinen kúmbirli kúı tógil­gen qasıetti qazaq aspaby, mine, endi dástúrli túrde jyl saıyn ulttyq deńgeıde atalyp ótiletin bolady. Memleket basshysy Nursultan Nazarbaevtyń qoldaýymen júzege asyp jatqan aıtýly dombyra dýmany Asta­nanyń 20 jyldyǵyna úlken tartý bolady dep kútilýde.

Nazerke JUMABAI,

«Egemen Qazaqstan»