Elektrondy memorıal

Uly Otan soǵysyndaǵy qazaqstandyqtar týraly derekter saıttarǵa qoıyldy

El Táýelsizdiginiń 20 jyl­dyǵy qar­sańynda Qazaqstan Res­pýblı­ka­sy Qorǵanys mınıs­tr­li­gine Reseı Federasııa­sy qorǵanys vedomstvo­sy Uly Otan soǵysy kezinde Qazaqstannyń túk­­pir-túkpirinen so­ǵysqa attanyp, qaı­tys bol­ǵandar men habar-osharsyz ketkenderdiń derekterin tabys etti. Bul degenińiz, bizdiń Otanymyzdy qorǵaýda qaı­tys bolǵandar men habar-osharsyz ketkender úshin laıyqty eskertkish bolmaq. Elektrondy tasymal quralda­rynda saqtalǵan derekter Reseı Federasııasy Qorǵanys mınıstr­liginiń Ortalyq murajaıyndaǵy jáne RF QK áskerı-memorıaldyq ortalyǵynyń resmı muraǵat qu­jat­tarynan jınaqtaldy. Máli­met­ter áskerı bólimderdiń orny tolmas shyǵyndary týraly ha­barlamalary men basqa da mura­ǵattyq qujattary negizinde, qara qaǵazdar men gospıtal jáne medsanbat qujattarynan, keńes áske­rı tutqyndarynyń jeke kartoch­kalarynan, sondaı-aq jerlengen keńes ofıserleri men sarbaz­da­ry­nyń tólqujattarynan alyndy. Derekterde qaıtys bolǵan adam­­nyń áskerı sheni, qaı bó­limde qyzmet atqarǵandyǵyn, qaıtys bolǵan kúni men sebebin (mert boldy, jaraqattan qaıtty, habar-osharsyz ketti) jáne qaı jerge jerlengendigin bilýge bolady. Aqparattyq anyqtamada 587000-nan astam qazaqstandyq­tar­dyń málimeti bar. Anyq­ta­ma Qazaqstan Respýblıkasy Qorǵa­nys mınıstrliginiń (mod.gov.kz) resmı saıtyna ornalastyrylǵan. Maıdanger-jaýyngerlerdiń elek­trondy derekterimen tanysýǵa múmkindik mol. Elektrondy memorıal – bizdiń batyr atalary­myz ben ákelerimizdiń urpaqta­ryna, barlyǵymyzǵa qajet. Oksana PARPÝRA, Qorǵanys mınıstrligi baspasóz qyzmetiniń qyzmetkeri. Sýretti túsirgen Ermek SARBASOV.