Júzdesý

Táýelsizdiktiń 20 jyldyq merekesi qarsańynda Shym­kent qalasyndaǵy M. Áýezov atyndaǵy OQMÝ kolled­jiniń máji­lis zalynda birinshi shaqyrylǵan Parlament Májilisiniń depýtaty, tuńǵysh ret qazaq tilinde zań jazǵan, Qazaqstan Jazýshylar odaǵynyń múshesi, aqyn, sazger, zańger Ákim Ysqaqpen «Kók týdyń jelbiregeni» atty kezdesý bolyp ótti. Bul keshke qaladaǵy ózge de joǵary oqý oryndarynyń stýdentteri qatysty. Qaıratkerdiń elimiz egemendik alǵan alǵashqy jyldar­da­ǵy «Halyqtyń kóshi-qony tý­ra­ly» zań jobasynyń daıyndalý barysy, memlekettik til máse­lesi, el rámizderine qatysty jáne t.b áńgimeleri stýdentter qaýymynyń shynaıy qyzyǵý­shy­lyǵyn týdyrdy. О́zderin tolǵandyrǵan suraqtaryna stýdentter budan keıin de to­lym­dy jaýap aldy. Kesh bary­synda qalamgerdiń qarasózderi men óleńderi oqylyp, ánderi shyrqaldy. Jastar onyń «Júrektegi jazýlar», «Adam izdep júr­min», «О́mir, seni súıemin!», «Mahabbat hattary» atty ki­tap­taryna taldaý jasap, on­da­ǵy shyǵarmalardyń mán-maǵy­na­syn ashýǵa tyrysty. Kezdesýge qatysqan qalamgerler Ersin Qoıbaǵarov, Zahardın Qys­taýbaev, Jazıra Kúzenbaeva, Altynaı qajy Taýbaıqyzy jáne t.b. sóz oraıynda óz oı­laryn ortaǵa saldy. Respýblıkalyq Qajymuqan atyndaǵy qordyń atqarýshy dırektory Qurmanáli Jylqy­ba­ev qazaqtyń balýany Q.Mu­ńaıtpasov jóninde birqatar zertteý eńbekter jazǵan Ákim Ysqaqty «Qajymuqan» meda­li­men marapattasa, kolledj jastary atynan sóz sóılegen Balnur Shyrynbekova jastar komıtetiniń sheshimimen Ákim Ábdihaıymulyna «Jastardyń súıikti jazýshysy» degen ataq berilgendigi jónindegi dıp­lomdy tartý etti. Kezdesý avtordyń «Kók tý­dyń jelbiregeni» degen ánimen qorytyndylandy.

«Egemen-aqparat».