«Atameken» Ulttyq kásipkerler palatasynyń «Zań ústemdigi - Qazaqstannyń turaqty ekonomıkalyq damýynyń kepili» forýmy aıasynda Qazaqstan kásipkerleriniń quqyqtaryn qorǵaý jónindegi ýákil Bolat Palymbetov pen О́zbekstan Respýblıkasy Prezıdentiniń janyndaǵy ýákil Dılmýrod Kasımov kelisimge qol qoıdy.
Qujat eki el arasynda kásipkerlerdiń quqyqtaryn qorǵaý men aqparat almasýdaǵy yntymaqtastyqty kózdeıdi. Taraptar iskerlik ahýaldy jaqsartý boıynsha, kásipkerlik sýbektileriniń quqyqtary men zańdy múddelerin qorǵaý boıynsha jumys jasaýǵa beıimdelgen, atalmysh jumystar syndarlylyq, ashyqtyq jáne olardyń qyzmetiniń tıimdiligi qaǵıdaty boıynsha atqarylatyn bolady.
Sonymen qatar memlekettiń ulttyq zańdaryn durys qoldaný boıynsha konsýltasııalyq-quqyqtyq kómek kórsetý, ǵylymı-tájirıbelik konferensııalarǵa, semınarlarǵa jáne basqa da is-sharalarǵa qatysý qarastyrylǵan.
«Biz kásipkerlerdiń quqyqtaryn qorǵaý boıynsha jumysta odan ári tıimdi ári jemisti yntymaqtastyq ornatamyz degen úmittemiz. Biz úshin basty mindetterdiń biri – bizdiń kásipkerler ózge elde basyna túsken qıynshylyqpen jalǵyz qalmaýy kerek, olarǵa kómek kórsetilýi qajet», - dep, atap ótti Bolat Palymbetov.
О́z kezeginde, Dılmýrod Kasımov taraptardyń jumysynda jaqsy serpin bar ekendigin atap ótti.
«Biz, qazaqstandyq áriptesterimizben, búgingi kezdesýden buryn bıznes qurylymdardyń quqyqtaryn qorǵaý salasynda birlesip, jumys istep kelemiz. Búgin biz tıisti kelisimmen yntymaqtastyqty nyǵaıtqymyz keledi. Halyqaralyq tájirıbe kórsetip otyrǵandaı, bıznes-ombýdsmen ınstıtýty memleket pen kásipkerler arasyndaǵy kópir bolyp tabylady», - dedi О́zbekstan Respýblıkasynyń Prezıdenti janyndaǵy ýákil.
Esterińizge sala keteıik, ótken jyly Qazaqstan men Reseıdiń bıznes-ombýdsmenderi arasyndaǵy ózara kómek jáne yntymaqtastyq týraly kelisimge qol qoıylǵan bolatyn. Eki eldiń birlesken kúsh-jigeriniń arqasynda qazaqstandyq jáne reseılik kásipkerlik sýbektileriniń quqyqtary qorǵaldy.