Oral óńirinde kúrdeli qarjyny qajet etetin iri gaz qubyrlary magıstraldaryn tartý isi aıaqtaldy. Muny Táýelsizdiktiń 20 jyldyǵyna qomaqty syı dep qabyldaǵanymyz oryndy. Jaqynda oblystaǵy eldi mekenderdi jappaı gazdandyrý jobasy sheńberinde Janama jáne Saryómir aýyldarynda kógildir otynnyń alaýy tutandy.
Janama – myńǵa jýyq turǵyny bar, oblys ortalyǵynan eń shalǵaı ornalasqan, Atyraý aımaǵymen shekaralas eldi meken. Al Saryómir – Aqjaıyqtyń injý-marjany Shalqar kóliniń jaǵasynda ornalasqan aýyl. Buǵan deıin bul jerge asfalt jol men sý qubyry tartylǵan edi. Endi gaz kirip otyr. Munyń ózi Shalqar kólin týrızm ortalyǵyna aınaldyrýǵa qajetti alǵysharttar qalanyp úlgergenin kórsetedi.
Búginde óńirde Jaıyq ózeniniń sol jaǵalaýyndaǵy aýyldardy jáne Terekti aýdanynyń birqatar eldi mekenderin kógildir otynǵa qosýdyń naqty baǵdarlamasy iske asýda. Bul úshin jobalaý-smetalyq qujattar jasalyp, oǵan jergilikti bıýdjetterden tıisti qarajat bólingen. Ári buǵan memlekettik saraptamanyń oń qorytyndylary alynǵan.
Temir QUSAIYN,
Batys Qazaqstan oblysy.