Nemis dıplomatymen kezdesti

Keshe Aqordada Qazaqstan Respýblıkasynyń Memlekettik hatshysy Qanat Saýdabaev Germanııa Federatıvtik Respýb­lı­kasynyń Qazaqstandaǵy Tótenshe jáne ókiletti elshisi Gıdo Hersti qabyldady. Kezdesý barysynda eki el arasyndaǵy yntymaqtastyq qarym-qatynastardy odan ári damytý jaıy sóz boldy. Taraptar sońǵy úsh jyldaǵy qol jetkizilgen tabystarǵa qana­ǵat­tanýshylyq bildirdi. Qazaq­stan Respýblıkasynyń Prezıdenti Nursultan Nazarbaevtyń 2009 jylǵy aqpanda Germanııaǵa jáne Germanııa Federatıvtik Respýblıkasynyń Kansleri Angela Merkeldiń 2010 jylǵy shildede Qazaqstanǵa jasaǵan res­mı saparlary eki el arasyn­daǵy yntymaqtastyqqa jańa serpin berdi. Osy oraıda Qazaqstannyń Ger­manııadaǵy jáne Germanııanyń Qazaqstandaǵy jyldarynyń tabysty ótkizilýi elder arasyn jaqyndata túskenin aıta ketý kerek. Sonymen qatar, ekonomıka, ǵylym jáne bilim berý sa­la­la­ryn­daǵy yntymaqtastyqtyń jemisti bolǵandyǵyn da nazarǵa salǵan jón. Q.Saýdabaev 2010 jyly EQYU-nyń Sammıtin uı­ym­d­astyrýǵa Germanııanyń qos­qan úlesin joǵary baǵalap, osy el úkimetiniń járdemine rıza­shy­lyǵyn jetkizdi. Kezdesý kezinde keler jyl­dyń basynda Qazaqstan Prezıdenti N.Nazarbaevtyń Germa­nııa­ǵa jasaıtyn memlekettik sapa­ryn daıyndaý jaıy da sóz boldy. Taraptar aldaǵy jo­ǵary deńgeıdegi kezdesý Qa­zaqstan-Germanııa yntymaq­tas­tyǵyn ári qaraı damytýǵa tyń serpin qosatynyna senim bildirdi. Asqar TURAPBAIULY.