Almatyda el Táýelsizdiginiń 20 jyldyǵyna oraı «D.A.Qonaev murajaı úıiniń 10 jyldyq shyńy» mádenı is-sharasy ótti. Alqaly jıynǵa qalalyq mádenıet basqarmasynyń ókilderi, memleket jáne qoǵam qaıratkerleri, soǵys jáne eńbek ardagerleri qatysty.
Atalmysh is-sharanyń bir ereksheligi, Madrıd Rysbekovtiń on serııalyq «D.A.Qonaev memleket qaıratkeri» atty jańa fılminiń kórsetilýi edi. Munda buryn-cońdy kópshilik nazaryna usynylmaǵan jańa derekter aıtylǵan. Fılmniń eki serııasy kórermen nazaryna alǵash ret usynylyp otyr.
Al jınalǵandar qyzyqtaǵan «D.A.Qonaev murajaı-úıiniń jetistikteri» atty kórmede murajaı-úıiniń qurylýy negizinde atqarylǵan is-sharalar, D.Qonaevpen baılanystyratyn buryn-sońdy qoıylmaǵan jańa fotosýretter bar. Keńeste murajaı-úıiniń dırektory B.Battalhanov on jyl ishinde atqarylǵan is-sharalar jaıynda esep berip, murajaı qyzmetkerleri tarapynan qorǵalǵan ǵylymı jumystarǵa, túrli baıqaýlarda qol jetkizgen jetistikterge, baspadan jáne BAQ betterinde jaryq kórgen eńbekterge, fılmderge toqtaldy.
Sonymen qatar is-shara barysynda Dımekeńniń ákesimen syılas bolǵan Jetisý óńirine áıgili halyq aqyny Baltaǵul Bıgeldıevtiń «Zamana óter dóńgelenip» atty eki tomdyq kitabynyń tanystyrylymy ótti.
Jıyn sońy ánshi, dombyrashy jastardyń konsertine ulasty.
Gúlzeınep SÁDIRQYZY.