Qazaqstanda kıbersport resmı túrde sport túri dep tanyldy. Bul týraly QR Sport jáne dene shynyqtyrý isteri komıtetiniń saıtynda habarlandy.
Kıbersport janashyrlarynyń qurǵan Qazaq Cybersport Federation respýblıkalyq qoǵamdyq birlestigi QR Mádenıet jáne sport mınıstrliginiń tarapynan qoldaý men yqylasqa ıe boldy.
"Búginde elektrondyq sportty damytýǵa keshendi maqsatty baǵdarlama jasalyp, halyqaralyq beıindik uıymdarǵa qosylý úshin jumys júrgizilip jatyr. Resmı túrde tanylǵan jáne Federasııadan akkredıtasııadan ótken uıym endi resmı túrde elimizdi halyqaralyq alańdarda ókildik ete alady" , - delingen Federasııanyń ınternet-resýrsy (www.qcf.kz ınternet) taratqan habarlamada.
2017 jyldyń qazan aıynda kıbersportty Halyqaralyq olımpıada komıteti olımpıadalyq sport túri retinde taný máselesin qaraýǵa aldy. Sarapshylardyń málimeti boıynsha, 2017 jyly kıbersport naryǵynyń aınalymy 655 mıllıon dollar bolǵan, al 2021 jyly onyń aınalymy 1,6 mıllıard dollardan asady degen úmit bar.