Endi Jetisýdyń kindik qalasynyń turǵyndary Astana dańǵylymen júretin boldy. О́ıtkeni, búgin Taldyqorǵan qalasynda elorda attas kóshe ashyldy.
Astananyń 20 jyldyǵyna oraı ótken merekelik saltanatta Almaty oblysynyń ákimi Amandyq Batalov qalanyń jańadan paıdalanýǵa berilgen shaǵyn aýdandaryndaǵy kóshelerge shyt jańa ataý berilgenin habarlady. Astana ataýyn ıelengen dańǵyldan bólek, asa kórnekti qazaq tarıhshysy Qadyrǵalı Jalaırıdyń, Eńbek Erleri Báıken Áshimov pen Zylıha Tamshybaevnyń atyna kósheler paıdalanýǵa berildi.
- Osyndaı ataýly mereke qarsańynda oblys aýmaǵynda kóptegen is-sharalar ótkizilýde. Sondaı sharanyń biri, búgingi Elordamyz - Astananyń 20 jyldyǵy qarsańynda «Astana» dańǵylynyń saltanatty ashylýy bolyp otyr. Sonymen qatar, uly tulǵalarymyzdyń ulaǵatty eńbegi men erlikke toly eren isterin áspetteý maqsatynda, ǵulama tarıhshy Qadyrǵalı Jalaıyrı dańǵyly, Eńbek Erleri Báıken Áshimov pen Zylıha Tamshybaevanyń qurmetine kóshe attary berildi, - dedi óz sózinde aımaq basshysy.
Oblystaǵy zııaly qaýym ókilderi, ardagerler, qala turǵyndary qatysqan saltanatty jıynda Taldyqorǵan qalalyq ardagerler keńesiniń tóraǵasy M. Halyq, Báıken Áshimovtiń uly O. Áshimov, Zylıha Tamshybaevanyń qyzy S. Toqsanbaıqyzy sóz alyp búgingi atqarylyp otyrǵan taǵylymdy iske rızashylyqtaryn jetkizip, kópshilikti Astana merekesimen quttyqtady.
Sondaı-aq, Astana kúni merekesinde taldyqorǵandyq otbasylar jańa páterge ıe bolyp, birqatar azamattar mereıtoılyq medal aldy. Páterge ıe bolǵandar qatarynda kóp balaly otbasylar, I, II toptaǵy múgedekter, tolyq emes otbasylar, zeınetkerler, Uly Otan soǵysyna qatysýshylarǵa teńestirilgen azamattar, múgedek bala tárbıelep otyrǵan otbasylar bar. Bul kúni jalpy sany 180 otbasy osyndaı qýanyshqa keneldi.
Qalmahanbet MUQAMETQALI,
«Egemen Qazaqstan».
Almaty oblysy.