Qostanaıda Astana kúni merekesi Tobyl ózeniniń jaǵasyndaǵy Táýelsizdiktiń 25 jyldyǵy saıabaǵynda bastaldy. Mundaǵy etnoaýylǵa qos aqboz úı tigilip, onda halqymyzdyń ulttyq qolóneri, ulttyq taǵamdary kórsetildi.
Osy saıabaqtaǵy amfıteatrǵa jınalǵan halyqta esep joq. Tobyl ózeni alaqandaǵydaı kórinip turatyn amfıteatrda saltanatty jıyn bastaldy. Ánuran shyrqaldy, ony qostanaılyqtar oń qolyn júrek tusyna ustap, Táýelsizdikke taǵzym ete turyp tyńdady. Oblys ákimi Arhımed Muhambetov qostanaılyqtardy Astana kúnimen quttyqtady jáne elordamyz týraly baıandama jasady.
«Uly Dala elordasy ulttyq sanany jańa deńgeıge kóterip, el birliginiń jańa ıdeıalarynyń nyshanyna aınaldy. Bas qala mádenı jáne týrıstik qala bola otyryp, respýblıka óńirleriniń damýyna tyń serpin berdi. Álemdik deńgeıdegi ózindik máni bar, biregeı tehnologııalyq jáne sáýlet qurylysy barlyq aımaqtar úshin úlgi bolyp otyr. Elbasynyń "Astanasyna qarap, elin tanıdy" degen sózinde tereń mán bar. Barlyq halqymyz Astanany salýǵa atsalyssa, Astana memleketti damytqany sózsiz», dedi Arhımed Begejanuly.
О́ńir basshysy elordamyz týraly, onyń búgingi memlekettiń saıası, ekonomıkalyq, mádenı ómirinde aıryqsha oryn alatynyn, elimizdiń vızıt kartochkasy ekenin tilge tıek etti. Ol munan keıin oblystyń bızneste, ónerde, memlekettik qyzmette, áleýmettik jáne ómirdiń barlyq salasynda elimizdiń gúldenýine atsalysyp júrgen betke ustar azamattaryna «Astananyń 20 jyldyǵy» medalin tabys etti.
«Men oblys ortalyǵynan shalǵaıda jatqan Jankeldın kentinenk eldim, sondaǵy mýzeıler keshenin basqaramyn. Oblys ákiminiń qolynan Astananyń 20 jyldyǵy medalin aldym. Qýanyshtymyn. Astana elimizdiń aıbyny bolyp otyr. Astananyń tarıhy – halqymyzdyń, elimizdiń tarıhy, ol týraly bizdiń mýzeılerde de materıaldar bar. Astana kúni merkesi adamdarǵa joǵary patrıottyq rýh syılaıdy, Qazaqstandy ár qazaqstandyq jaqsy kóredi», dedi Torǵaı kentindegi mýzeıler kesheniniń dırektory Gúlbaný Sársekeı.
Qostanaı qalasynyń óner ujymdary merekege jınalǵan jurtshylyqqa án men jyrdan shashý shashty. Qostanaıda osylaı astana kúni bıik rýhta atalyp ótti.
Názıra Járimbet
«Egemen Qazaqstan»
Qostanaı