Qaraǵandyda Elbasy joly joly dep atalǵan jańa týrıstik marshrýttyń tusaýkeseri boldy. Ashylýy Astananyń 20 jyldyq mereıtoıyna oraılastyrylǵan jańa tarıhı-aqparattyq týrǵa Qaraǵandy oblysynyń ákimdigi bastamashy bolǵan.
Elimizde alǵash ret ashylǵan taqyryptyq týr Qazaqstannyń Tuńǵysh Prezıdenti oqyǵan jáne eńbek etken nysandardy aralap kórýge arnalǵan. Týrdyń alǵashqy aıaldamasy – Temirtaýdaǵy Tuńǵysh Prezıdenttiń tarıhı-mádenı ortalyǵy. Týrıster munda 6 ekspozısııalyq zaldy aralap, ondaǵy 3 myńnan astam eksponatpen tanysýǵa múmkindik alady.
Odan keıin saıahatshy qaýym ataqty Qaraǵandy metallýrgııalyq kombınatynyń tynys-tirshiligimen tanysady. Munda jas gornovoı Nursultan Nazarbaev Qazaqstannyń alǵashqy shoıyny alynǵan tarıhı sáttiń kýágeri bolǵan. Ári qaraı týrıster Elbasy bilim alǵan Qaraǵandy memlekettik tehnıkalyq ýnıversıtetinde bolyp, alma-materdi aralap kóredi. Týrdyń sońǵy núktesi – Qaraǵandydaǵy shahta-mýzeı. Bul jerde týrıster jer astyna túsip, ózderin az ǵana ýaqyt bolsa da kenshi keıpinde sezine alady.
– Astanaǵa keletin qonaqtar týrıstik salanyń jetistigine ári qaraı qyzyǵýshylyq tanytar bolsa, Qaraǵandyny da eske alar degen oıdamyz. Eger de biz berik baılanys ornatar bolsaq, onda týrıster aǵynyn 2-3 esege kóbeıte alamyz dep josparlap otyrmyz, – deıdi oblystyq kásipkerlik basqarmasynyń basshysy Tatıana Ablaeva.
Qaraǵandy oblysyna bir jylda 300 myńnan astam týrıst keledi eken. О́ńirde 60-tan astam bekitilgen týrıstik marshrýt qonaqtarǵa qyzmet kórsetedi.
Qaırat ÁBILDA, «Egemen Qazaqstan»
Qaraǵandy oblysy