Astanada halyqaralyq sáýletshiler kongresi ótip jatyr

Kongreske alys jáne jaqyn shetel sáýletshileri, Úkimet pen bıznes ókilderi, elimizdiń barlyq oblystary men Astana, Almaty, Shymkent syndy respýblıkalyq mańyzy bar qalalardan sáý­letshiler, developerler, tehno­logııalyq kompanııalar, jobalaý bıýrolary ókilderi, ınjener-jobalaýshylar, joǵary oqý oryndarynyń sáýlet óneri fa­kýltetiniń stýdentteri, ýrbanıs­ter, qazirgi zamanǵy sýretshiler qatysýda.

Kongrestiń saltanatty ashylýynda «Astana Innovations» AQ basqarma tóraǵasy Oljas Sar­taev ózi basqaryp otyrǵan kompanııanyń Elbasy tapsyrmasy aıasyndaǵy jumystardy atqarýda aldyńǵy qatarda kele jatqanyn aıta kelip: «2018 jyl­dyń qańtarynda Memleket bas­shysy Nursultan Nazarbaev halyqqa arnaǵan kezekti Joldaýynda Astana úlgisinde Smart city etalonyn qalyp­tastyrý mindetin qoıdy. О́z mer­ziminde qoıylǵan mindet jańa teh­nologııalardyń jyldam enýine áser etti. Damyp jatqan el úshin bul búginde eń basty trend bolyp otyr. «Astana In­novations» kompanııa­sy osy tap­syrma tóńiregindegi jumystardy atqarýda jetekshi orynǵa shyqty. Innovasııany tur­ǵyn úı sharýashylyǵy men qaýip­siz­dikten bastap áleýmettik blok­qa deıingi ártúrli salalarda engi­zýde úlken tájirıbemiz bar. Al búgin «aqyldy qala» júıesin qurý týraly sóz qozǵap otyrmyz», – dedi.

Sonymen birge halyqaralyq deńgeıde ótip jatqan kongrestiń maqsaty – kásibı tájirıbe almasý, álemdik sáýlet óneri damýynyń konseptýaldyq-teorııalyq ba­ǵyt­tarymen jáne onyń negizgi ten­densııalarymen tanysý, qazaq­standyq jáne sheteldik jetekshi sáýletshilermen shyǵarma­shy­lyq baılanystar ornatý, qoǵam­daǵy sananyń ashyqtyǵyn qalyp­tas­tyrý, sáýlet ónerindegi ulttyq má­denıettiń úzdik dástúrlerin saq­taı otyryp, progressıvti álem­dik tájirıbe men bilimdi qa­byl­daý qabilettiligin  qalyp­tas­tyrý arqyly zamanaýı otandyq sáýlet ónerin damytý ekendigin jetkizdi.

Kongress aıasynda «Qalalyq orta: dástúri men keleshegi» taqy­rybynda halyqaralyq ǵylymı-praktıkalyq konferensııa ótýde. Konferensııada plenarlyq otyrys jáne «Jańa qalalar. Jańa kel­bet», «Áleýmettik jobalaý. Aýyldan bastap qalaǵa deıin» atty 2 paneldik sessııa ótki­zý qarastyrylǵan. Sondaı-aq kongress jumysy  sheńberinde «Qundylyqtardy sıntezdeý. Jah­andyq kontekstegi lokaldyq sáı­kestik» taqyrybynda «dóńge­lek ústel» májilisi uıymdas­ty­ryldy. Munda jas talap sáýlet­shi­lerdi shabyttandyrý da umyt qalmaǵan. Jas sáýletshiler, sonymen birge stýdentter startap ýı­­kend formatynda ótkiziletin «Qa­­lalyq  orta: «Aqyldy» aýdan» baıqaýyna qatysty. Kon­gress aıasynda sheberlik sabaq­tary, sheteldik tanymal sáýlet­shi­ler­diń dáristeri, «Ortany qa­­lyp­­­­­tas­tyratyn kim?» taqy­ry­byn­­da dıalog alańy da uıymdas­ty­ryldy.

Halyqaralyq sáýletshiler kon­gresin Astanada ótkizýdiń de ózin­dik máni bar. Búginde elor­danyń áleýeti, onyń saıası, áleý­mettik-mádenı ómiriniń qarqy­ny, beıbitshilik jáne kelisim or­ta­lyǵy mártebesi Astanaǵa tur­ǵyndardyń ártúrli toptary men álem elderiniń kásibı jáne saıası qaýym ókilderiniń nazaryn aýdar­týda. Zamanaýı dúnıejúzilik sáý­let óneriniń álemdik trend­teri, onyń arhıtektýralyq kel­beti Elordanyń aıshyqty erekshe­ligi bolyp tabylady, bul óz keze­ginde serpindi damyp jatqan qalanyń qaıtalanbas atmosfera­syn quraıdy. Álbette, bul álemge áıgili sáýletshiler men sáýlet óneriniń otandyq maı­tal­mandarynyń shyǵarmashyly­ǵyn­daǵy úndestik nátıjesi.

«Astanada turaqty damý prın­sıpterin engizýge arnalǵan mynandaı baǵdarlamalyq qujat­tar júzege asyrylyp jatyr: Astananyń 2020 jylǵa deıingi baǵdarlamasy; turaqty damýdyń 17 maqsaty aıqyndalǵan BUU baǵ­darlamasy, onyń altaýy As­tanaǵa sáıkes keledi; sondaı-aq ESDU standarttary bar. Osy qu­jattardyń bári Astanany damy­tý úshin anyqtalǵan 20 qadam­dy baǵdarlamany qurýda negiz­gi platforma bolyp otyr», – dedi «Astana Innovations» AQ bas­qarma tóraǵasy. Sondaı-aq ol ınnovasııany engizýde turaq­ty damý prınsıpteri, jasyl teh­nologııa, ýrbanıstıka, smart jos­par­laý sekildi mańyzdy element­terdi qoldanbaı, qajetti tabysqa jetý múmkin emes ekenin atap ótti.

Kongress barysynda árip­tes­tik týraly memorandýmǵa qol qoıyldy. Memorandým áriptes­tiktiń ishinde negizinen memle­ket­tik saıasat pen Astananyń ın­dýstrııalyq-ınnovasııalyq da­mýy salasyna baǵyttalǵan. «Astana Innovations» AQ pen Den­saýlyq saqtaý mınıstrligi, Bi­lim jáne ǵylym mınıstrligi, Eń­bek jáne halyqty áleýmettik qor­ǵaý mınıstrligi, sonymen qatar, «Tehnologııalyq damý jónindegi Ulttyq agenttik» AQ arasynda 4 memorandýmǵa qol qoıyldy.

Qatarynan 4 kúnge jospar­lanǵan aıtýly jıyn búgin óz jumysyn aıaqtaıdy.

Ularbek NURǴALYMULY,

«Egemen Qazaqstan»