Grekııada orman órti saldarynan 77 adam qaza tapty

Qaza tapqandardyń kóbi Afıny­­dan 40 shaqyrym qashyq­tyq­­taǵy Matı aýylyn tastap kete a­lma­ǵan. Resmı derekke súıensek, qaıtys bolǵandardyń basym bóligi tútinge tunshyqqan eken. Grekııa úkimeti alapat orman órtinen zardap shekkenderge kómek kórsetý úshin 20 mln eýro bóldi. Tilsiz jaý áli sóndirilgen joq. Qutqarý jumystaryna 100-den as­tam órt sóndirýshi tartylǵan. Qa­zirgi tańda qaıyqtar men tik­ushaq­tar arqyly otqa oranǵan aımaqtardyń turǵyndary qaýipsiz jer­ge kóshirilip jatyr.

Tipti Afıny qalasyna taıaý mańdy meken etken turǵyndar da úıin tastap ket­ken. Tilsiz jaý eldiń ońtústik-baty­sy­nan bastalǵan. BBC arnasynyń má­limetine súıensek, mundaı iri kó­le­mdegi órt keıingi on jylda bolmaǵan. Sońǵy ret 2007 jyly Peloponnes túbeginde bolǵan tilsiz jaýdan ondaǵan adam qaza tapqan edi. О́rttiń boı bermeı ketýine uıyt­qyp soqqan jel de áser etken. Keı jerlerde onyń jyldamdyǵy sa­ǵatyna 120 kılometrge deıin jetken eken. Nátıjesinde aýa temperatýrasy 37 gradýsqa deıin kóterilip, ylǵaldylyq azaıyp ketken.

The Guardian basylymy 1500-den astam turǵyn úı zardap shek­ke­nin habarlady. Sondaı-aq 80-ge jý­yq avtokólik órtenip, kúli ǵana qal­ǵan.

Grekııanyń premer-mınıstri Aleksıs Tsıpras órt bolǵan Attıka aımaǵynda tótenshe jaǵ­daı jarııa­lanǵanyn málimdedi. «Grekııa aýyr qazaǵa ushyrady. Biz qaıǵyǵa qarsy tura bilýimiz qajet», dedi ol.

Eýropalyq odaq kelisimine sáıkes, el bıligi órt saldarymen kú­resý úshin uıymǵa múshe mem­le­ketterden kómek suraǵan. So­ǵan sáı­kes, Kıprden 60 órt sóndi­rý­shi­den quralǵan arnaıy komanda jiberilse, Ispanııa sýǵa qona alatyn eki ushaǵyn usynǵan. Túrkııa men Izraıl sekildi memleketter de kómek qolyn sozdy.

Eýropalyq keńestiń tóraǵasy Donald Týsk qıyn sátte odaqqa múshe memleketterdiń judyryqtaı ju­mylatynyn jetkizdi. «Eýropa osy bir qıyn-qystaý kezeńde Gre­kııa­daǵy dostarynyń qasynan taby­lady. EO elderiniń kómekteri Grekııaǵa bet aldy», dedi ol.

Afıny óńirindegi órt dúısen­bide bastaldy. Birneshe jerden tutan­ǵan tilsiz jaý tez arada aına­lasynyń bá­rin jalmaǵan. Búginge deıin la­pyl­daǵan órttiń birneshe oshaǵy són­dirildi. Alaıda tilsiz jaýdyń on shaqty oshaǵy áli aýyzdyqtalǵan joq.

Jalpy, bıylǵy jaz Eýropa el­derine ońaıǵa soqpaı tur. Buǵan deıin Shvesııanyń «Artıkalyq óńir» dep atalatyn ormandy aıma­ǵyn jalyn jalmaǵan edi. Tosyn apat turǵyndar mekendeıtin jerden alystaý aımaqta bolǵan­dyqt­an, qa­za tapqandar kezdesken joq. Alaı­da qaýipsizdik úshin tórt aýyl­dyń turǵyndary alys aımaq­qa kó­shi­rilgen.

Abaı ASANKELDIULY,

«Egemen Qazaqstan»