149 adamnan turatyn qazaqstandyq qajylardyń birinshi toby Jıdda qalasyna jetti. Bıyl Saýd Arabııasy Koroldiginiń Úkimeti tarapynan bólingen kvotalarǵa sáıkes, elimizdiń úsh myń azamaty qasıetti jerlerge zııarat jasaıdy. Uly qajylyq merzimi 19-23 tamyz aralyǵyna sáıkes keledi.
Qazaqstannyń konsýldyǵy elimizdiń tıisti memlekettik mekemelerimen birlese jumys isteýde. Qajylyq maýsymda eki jyl qatarynan qazaqstandyq qajylardy tasymaldaý otandyq «SCAT» áýekompanııasy jáne «FlyNas» saýdııalyq seriktesi arqyly júzege asyrylýda. Atalǵan áýekompanııalardyń ushaqtary qazaqstandyqtardy Koroldiktiń Jıdda men Medına qalalaryna Astana, Almaty, Shymkent jáne Aqtaýdan tikeleı reıspen alyp kelip, 27 tamyz ben 1 qyrkúıek aralyǵynda keri alyp qaıtady.
Qalyptasqan tájirıbe boıynsha jyl saıyn konsýldyq tarapynan qajylar arasynda Koroldiktiń zańnamalaryn saqtaý, túrli juqpaly aýrýlardyń (tumaý, menıngıt) aldyn alý úshin sanıtarlyq-gıgıenalyq erejelerdiń saqtalýyna mán berý, jergilikti salt-dástúrlerge qurmetpen qaraý jáne taǵy basqa da máseleler boıynsha tıisti túsindirme jumystary júrgiziledi.
Mekke men Medına qalalarynyń ortalyq shtabtarynda Qazaqstan Musylmandary dinı basqarmasy uıymdastyrǵan stasıonarlyq bólimsheler táýlik boıy jumys isteıtin bolady. Ol jerde qazaqstandyq dárigerler tarapynan qajylarymyzǵa alǵashqy medısınalyq kómek kórsetiledi.
«Egemen-aqparat»