Bıyl Kýrchatov qalasynda demeýshilerdiń kómegimen basseın salynady.
«Rýhanı jańǵyrý» baǵdarlamasy aıasynda júzege asyrylyp jatqan áleýmettik jobaǵa óńirdegi iri kásiporyn «Qazsınk» kompanııasy men Kýrchatov qalasyndaǵy Ulttyq ıadrolyq ortalyq qomaqty qarjy bólipti. Ulttyq ıadrolyq ortalyq dırektory Erlan Batyrbekov pen Kýrchatov qalasynyń ákimi Almas Ońdaqanov eki jaqty memorandýmǵa qol qoıypty.
Qala ákiminiń orynbasary Rýslan Ábdirahmanovtyń aıtýynsha, basseın qurylysyna «Qazsınk» kompanııasy 45, Ulttyq ıadrolyq ortalyq 29 mıllıon teńge qarjy aýdarypty. Al Kýrchatov qalasynyń ákimdigi fıltrlik qurylǵylardy ornatýǵa 19 mıllıon teńge kóleminde qarjy bólipti.
«Memlekettik-jeke menshik seriktestik aıasynda qolǵa alynǵan aýmaǵy 600 sharshy metr bolatyn, uzyndyǵy 25, endi 16 metrlik tórt jolaqty jabyq basseın qurylysy maýsym aıynda bastalyp ketti. Basseın ǵımaratynda jýyný, kıim aýystyrý bólmeleri, ákimshilik zal sekildi oryndar qarastyrylǵan. Kýrchatov turǵyndaryna asa qajet nysandy jyl aıaǵyna deıin ashýdy josparlap otyrmyz», - deıdi ol.
Azamat QASYM,
«Egemen Qazaqstan»
Shyǵys Qazaqstan oblysy,
Kýrchatov qalasy