Konvensııaǵa qatysýshy memleketter basshylarynyń qol qoıatynyna kúmán az bolǵanymen, qol qoıý rásimine deıin oǵan túzetýler engizilip qala ma degen kúdik bolǵany ras. Qujattyń tolyq mátini men bólimderi aldyn ala kelisildi. Barlyq memlekettiń múddelerin nazarǵa ala otyryp, bes eldiń syrtqy saıası qurylymdary tabandy túrde muqııat jumys istep, Kaspııdiń erekshe quqyqtyq mártebesin taraptardyń kóńilinen shyǵatyndaı etip aıqyndap shyqty.
Sol sebepti, Aqtaý qalasynda ótken memleketter basshylarynyń kezdesýi taza saltanatty rásim sıpatynda ótti desek artyq aıtqandyq bolmas. Munda Besinshi Aqtaý sammıtinde qabyldanǵan qujat eshqandaı qosymsha tolyqtyrýlarsyz, biraýyzdan maquldandy.
Kezdesý barysynda sóz alǵan memleketter basshylary osyǵan deıin ustanyp kelgen baǵyttaryn saqtaıtyndaryn jetkizdi. Aıtylǵan usynystardy saraptaı kele, «kaspıılik máseleler» boıynsha bes eldiń konstrýktıvti yntymaqtastyqty qoldaıtynyn baıqaýǵa bolady.
Onyń ústine, halyqaralyq qujatqa Qazaqstan jerinde qol qoıylǵany ımıdjdik turǵydan óte mańyzdy bolyp otyr.
Sondaı-aq biz úshin Konvensııa teńizdiń statýs-kvosyn bekitkenimen de mańyzdy. Iаǵnı Kaspııdegi bizdiń úles sanalatyn bóligi boıynsha júrgizilip jatqan jumystar men teńiz qoınaýyn ıgerýge baılanysty besjaqty zańdy kelisimge qol jetkizdik.
Qalaı bolǵanda da, sammıttiń basty qorytyndysy Kaspııdegi ujymdyq oıyn erejesiniń negizi bes eldiń mórimen bekitilgendigi bolyp otyr.
Orazǵalı SELTEEV,
saıasattanýshy