Dýlat Isabekovtiń kitaphanasy ashyldy

Jýyrda Qazaqstannyń Halyq aqyny Muhtar Shahanovtyń shyǵarmashylyq úıi ózi týǵan Túrkistan oblysy, Otyrar aýdany, Jańa Shilik aýylynda ashyl­ǵan bolatyn. Eki qabatty ǵımaratta aqynnyń balalyq sha­ǵynan búginge deıingi ómir jolynan túrli sýretter men qujattar ornalastyrylǵan. Sondaı-aq aqynnyń shyǵarmashylyqpen aınalysatyn jumys kabınetteri men kitaphana, demalys jáne qo­naq qabyldaıtyn bólmeler zaman talabyna saı jabdyqtalǵan. 

Endi Ordabasy aýdany, Ja­ńa­turmys aýylynda jazýshy, dramatýrg, qoǵam qaıratkeri Dý­lat Isabekovtiń kitaphanasy ashyl­dy. Kitaphananyń ashylý saltanatynda Jazýshylar oda­ǵynyń músheleri, elimizge tanymal aqyn-jazýshylar men zııaly qaýym ókilderi, atap aıtsaq Er­kinbek Turysov, Beksultan Nurjekeev, Marhabat Baıǵut, Qulbek Ergóbek, Qasymhan Beg­manov, Qazybek Isa sóz sóılep, qalamgerdi qýanyshymen quttyq­tady. Sondaı-aq Túrkistan oblysy ákiminiń orynbasary Ulasbek Sádibekov oblys ákimi Janseıit Túımebaevtyń syılyǵyn tapsyryp, quttyqtaý hatyn oqyp berdi. «Sizdiń shyǵarmalaryńyz ómir­diń ózinen alynǵan. Aınaladaǵy kún­de kórip júrgen qubylystar ózin­dik qunarly da qarapaıym tili­men áleýmettik deńgeıge deıin kóterilgen shynshyl týyn­dylar. Ultynyń kókeıindegi oıyn aıtyp, joǵyn izdeýden tan­baı­tyn, tereń oılary men qalam qazynasyn qatar ustap, úne­mi sergek júretin áıgili jazýshy ádebı orta men jalpy oqyrman yqylasyna bólengen baqyt­ty jazýshy dep senimmen aıta alamyz. Aldaǵy ýaqytta da elimizdiń ósip-órkendeýine qosa­tyn úlesińiz eselene túsedi dep bilemin» delingen óńir basshy­synyń quttyqtaý hatynda. 

Kitaphana ári murajaı retin­de salynǵan úıde Dýlat Isa­bekovtiń kitaptary men túr­li marapattary, ómiri men shyǵar­mashylyǵynan syr shertetin zattar qoıylǵan. Jazýshynyń ju­mys isteıtin jáne demalatyn bólmeleri de talapqa saı jab­dyqtalǵan. Sonymen qatar qazaq jáne álem jazýshylary men aqyndarynyń kitaptary bar. Jalpy sany 2500 kitapty jazý­shynyń ózi tartý etipti. Elbasy N.Nazarbaevtyń «Rýhanı jańǵyrý» baǵdarlamasy sheń­berinde qolǵa alynǵan is-sharaǵa aýyl­daǵy el aǵalary men oqyr­man qaýym rızashylyǵyn bildir­di. 

О́z kezeginde Dýlat Isabekov qur­met kórsetken jerlesteri men oqyrman qaýymǵa, oblys basshylyǵyna alǵysyn aıtyp, shyǵarmashylyq úıinde túr­li taqyryptaǵy eńbekterin jalǵas­tyratynyn jetkizdi. 

Ǵalymjan ELShIBAI,

«Egemen Qazaqstan»