Halyqaralyq Armııa oıyndary márege jetti

Saıys qorytyndysy boıynsha Qazaqstan Respýblıkasy  Qarýly Kúshteriniń quramasy jalpy komandalyq úshinshi oryndy ıelendi, birinshi orynǵa Reseı Federasııasynyń komandasy, al ekinshi orynǵa Qytaı Halyq Respýblıkasynyń áskerı qyzmetshileri qol jetkizdi. Júldegerlerdi marapattaý rásimine Qazaqstannyń Qorǵanys mınıstri Nurlan Ermekbaev qatysty. 

Úzdik úshtikti túıindedi

Qazaqstannyń áskerıler ko­man­dasynyń daıarlyǵyn uıym­das­tyrýshylar joǵary baǵa­lady. Atap aıtqanda, oıynnyń tóre­shiler alqasynyń músheleri Qazaq­stan Qarýly Kúshteri áskerı qyz­metshileriniń daıyndyq deńgeıi, kásibı sheberligi men ja­ýyngerlik mashyqtary joǵa­ry ekenin erekshe atap ótti. Ar­mııa­lyq oıyndarda «Astana», «Oń­tústik», «Batys», «Shyǵys» óńir­lik qolbasshylyqtarynyń 300-ge jýyq áskerı qyzmetshisi baq­taryn synaǵan edi. Saıystardyń qorytyndysy boıynsha Qazaq­stan quramasy 4 altyn, 4 kúmis jáne 4 qola medal ıelendi. 

ArHO saıysynyń jabylýy sheńberinde Qorǵanys mınıstri N.Er­mekbaev Reseı qorǵanys ve­domstvosynyń basshysy, armııa generaly S.Shoıgýmen kezdesý ótkizdi. Kezdesý barysynda ta­raptar ekijaqty áskerı ynty­maq­tastyqtyń budan keıingi máse­lelerin talqylady.

Atalǵan kezdesýde S.Shoıgý Qazaqstan komandasynyń Armııa halyqaralyq oıyndaryndaǵy jeńisteri qazaq áskerıleriniń jo­ǵary daıyndyq deńgeıin pash et­kendigin jáne bul saıys eki memlekettiń áskerı-tehnıka­lyq qarym-qatynastaryn talqy­la­ı­tyn taptyrmas alańǵa aınalǵan­dyǵyn atap ótti. 

– Sizderdiń komandalaryńyz jaqsy óner kórsetti, júldegerler qatarynan kórindi, tipti jekelegen saıystarda birinshi oryndy ıelendi. Bul Qazaqstan ar­mııa­synyń joǵary deńgeıde jaraq­tan­dyrylyp, oqytý-úıretý ma­shyq­tarynyń artqandyǵynyń bel­gisi, – dedi Reseı Qorǵanys mı­nıstri. 

О́z kezeginde Nurlan Ermekbaev Reseıdiń Qazaqstan úshin eń ja­qyn áskerı seriktes ekendigine toqtalyp, yntymaqtastyq arta beretindigine senim bildirdi. 

Otarda oǵlandarymyz ozdy

Halyqaralyq oıyndardyń Qazaqstan aýmaǵynda ótken kezeńi­niń jabylý rásimine Qorǵanys mınıstriniń birinshi orynbasary – Qazaqstan Qarýly Kúshteri Bas shtabynyń bastyǵy, general-leıtenant Murat Maıkeev qatysty. 

Armııa oıyndarynyń sheń­ber­inde «Otar» 40-shy áskerı ba­za­synyń aýmaǵynda ótken baıqaý­lar­dyń barlyq kezeńderinde Qa­zaq­stan Qarýly Kúshteriniń áske­rı qyzmetshileri birinshi boldy. 

«Otar» áskerı bazasynda Ar­mııa halyqaralyq oıyndary sheń­berinde «Artıllerııalyq oq atý sheberleri», «Suńqar ańshylyǵy» jáne «Senimdi qabyldaý» ha­lyq­aralyq baıqaýlary ótken bolatyn.

«Artıllerııalyq oq atý she­ber­leri» baıqaýynyń qorytyndysy boıynsha qurama komandalar arasynda qazaqstandyq áskerı qyzmetshiler birinshi orynǵa, Belarýs pen О́zbekstannyń qa­tysýshylary ekinshi orynǵa, Ázerbaıjan men Reseıdiń artıllerııashylary úshinshi orynǵa ıe boldy. 

«Suńqar ańshylyǵy» baı­qaýy­nyń nátıjeleri boıynsha Qa­zaqstannyń áskerı qyzmetshileri – birinshi, Reseı komandasy – ekinshi jáne Belarýs komandasy úshinshi oryndardy enshiledi. 

Al «Senimdi qabyldaý» baı­qaýynyń qorytyndysy boıynsha qazaqstandyq armııanyń áskerı baılanysshylary absolıýttik jeńimpaz atandy. Oıynǵa barlyǵy 12 memleketten, ıaǵnı, Ázerbaıjan, Belarýs, Venesýela, Zımbabve, Iran, Qazaqstan, Qytaı, Qyrǵyzstan, Reseı, Tájikstan, О́zbekstan jáne Sırııadan 18 komanda qatysty.

Saıystardyń qorytyndysy boıynsha júldegerler kýboktarmen, dıplomdar jáne baǵaly syılyqtarmen marapattaldy. 

«Dostastyq jaýyngerlerin» kútip aldy 

Elordadaǵy «Nursultan Na­zar­baev» áýejaıynda aǵym­daǵy jylǵy shildeniń 28-i men tamyzdyń 3-i aralyǵynda Arme­nııa Respýblıkasynda ótken «Dostastyq jaýyngeri» halyq­aralyq baıqaýynda birinshi oryn alǵan qazaqstandyq komandany Qa­rýly Kúshteriniń basshylyǵy, áskerı qyzmetshilerdiń qarý­las­tary men jaqyn týystary kútip aldy. 

Bul jerde Qazaqstan Qarý­ly Kúshteri Bas shtaby basty­ǵy­nyń orynbasary, general-ma­ıor Muhamedjan Talasov halyq­aralyq arenada qazaqstandyq ar­mııanyń namysyn qorǵaǵan áskerı qyzmetshilerdi maqtan tutatynyn aıtty. Qazaqstandyq armııanyń qurama komandasy «Dostastyq jaýyngeri» baıqaýy bes ke­zeńiniń qorytyndysy boıynsha absolıýttik jeńimpaz atanǵanyn esterińizge sala keteıik. 

Qazaqstandyq armııashylar, sondaı-aq «Elbrýs saqınasy» baıqaýynda kóshbasshylar úsh­tigine ilikken bolatyn.

14 tartysty, kúrdeli jáne ártúrli arnaıy tapsyrmalardan keıin Qazaqstannyń komandasy 10837 upaı jınap, úshinshi oryndy ıelendi. Birinshi orynda – Reseıdiń taýly bólimsheleri jáne ekinshi orynda Qytaı áskerıleri. 

Saıys quzǵa órmeleý, taýda baǵdarlaý, taýly kedergiler jolaǵyn eńserý, oq atý, ózen ótkelderi jáne desanttyq túsirýdi qamtydy. Baıqaýdyń sheshýshi kezeńi (2300 m) 100 shaqyrymdyq marshrýttan ótý boldy. Qabarda-Balqar Respýblıkasynda ótken «Elbrýs saqınasy» baıqaýyna álemniń 7 eliniń taýly bólimsheleri qatysqan edi.

Serik ÁBDIBEK,

«Egemen Qazaqstan»