«Nur Otan» partııasy Almaty qalalyq fılıalynyń Baspasóz ortalyǵynda «Almatyda qalaı baspanaly bolýǵa balady?» taqyrybynda Almaty qalasy Turǵyn úı jáne turǵyn úı ınspeksııasy basqarmasynyń, «Qazaqstannyń turǵyn úı qurylys banki» AQ-nyń «Baspana» ıpotekalyq uıymynyń basshylarynyń qatysýymen brıfıng ótti.
Aldyńǵy jyldarmen salystyrǵanda, búginde qazaqstandyqtardyń baspanaly bolýynda birneshe múmkindik bar. «Nurly jer» jáne «Almaty jastary» sekildi aýqymdy baǵdarlamalar júzege asyrylýda. «7-20-25» baǵdarlamasynyń iske asyrylýy bul turǵyda úlken serpin kóteredi. Baǵdarlama boıynsha qabyldanǵan ótinimniń qarjysy 15 mıllard teńgeden asty. Onyń ishinde shamamen 10 mıllıard teńge maquldandy, -dep atap ótti «Nur Otan» partııasy Almaty qalalyq fılıaly tóraǵasynyń orynbasary, qalalyq máslıhattyń depýtaty Stanıslav Kankýrov.
«7-20-25» baǵdarlamasynyńeń belsendi qatysýshylary Almaty qalasynyń turǵyndary bolyp tabylady. Maquldanǵan 10 mıllıard 4 mıllıard teńgege ıpotekalyq nesıelerdi almatylyqtarǵa beriledi. Jyldyń aıaǵyna deıin 20 mıllıardtan teńgege qaryzdar berý josparlanyp otyr.
Baǵdarlamaǵa menshik quqyǵynda baspanasy jáne basqa da ıpotekalyq qaryzdary joq Qazaqstannyń árbir azamaty qatysa alady. Baǵdarlama qatysýshysynyń kásipkerlik nemese eńbek qyzmetinen turaqty rastalǵan kirisi bolýǵa tıis.
Qaryz alýshy eńbek nemese kásipkerlik qyzmetten kirisiniń bolýyn rastaıtyn qujattardy, ıpotekalyq turǵyn úı qaryzdary boıynsha ótelmegen beresheginiń bolýy týraly málimetti, turǵyn úıiniń bolmaýy týraly anyqtamany, satyp alatyn turǵyn úı qujattaryn jáne táýelsiz baǵalaýshynyń baǵasyn usynýǵa tıis.
«Qazaqstannyń turǵyn úı qurylys jınaq bankiniń» aqparaty boıynsha ár 11-shi almatylyq turǵyn úıge aqsha jınaýda. Jalpy QTQJB-niń Almaty qalalyq fılıalynda 90,9 mlrd teńge somasyna 164000 depozıt ashyldy. Qazirgi tańda Almatyda 25897 adam baspanaly boldy.
Almaty qalasynda banktiń fılıaldaryna aı saıyn keńes alý úshin 25000 adam júginedi.Ortasha eseppen alǵanda Almatyda aı saıyn 3,8 mlrd teńgeni quraıtyn sommaǵa bank 350 qaryzdar beredi. «Nurly jer» baǵdarlamasy aıasynda bıylǵy jyly – 1 546, al 2019 jyly -1 539 adambaspana alady. «Almaty jastary» baǵdarlamasy boıynsha 2018 jyly 35 jastan aspaıtyn almatylyqtarǵa bank 200 jeńildikti nesıe berýdi josparlap otyr.
Almaty qalasy Turǵyn úı jáne turǵyn úı ınspeksııasynyń basqarmasy habarlaǵandaı, 2018 jyldyń 1-shi jartyjyldyǵy boıynsha 808 páter bólingen. Jyl sońyna 1500 ge jýyq páter bólinedi dep josparlanýda. 2017 jyly Turǵyn úı basqarmasy basqarmasy kezekte turǵandardyń ZO paıyzynyń turǵyn úı máselesin sheship, rekordtyq 5885 páter bóldi.
2018 jylǵy 1 tamyz kórsetkishi boıynsha, Almaty qalasy boıynsha turǵyn úı kezeginde 22819 adam tur (2017 j 1 qańtar 18255 adamdy qurady). Brıfıngke qatysýshy jastar erekshe qulshynyspen saýal tastaıdy. Olardyń kókeıinde erteńge degen senimdi serpin turǵandaı ekenin ańǵarasyz.
Saparbaı PARMANQUL,
«Egemen Qazaqstan»
ALMATY