Qyzyljar aýdanyndaǵy 13 aýylǵa sapaly aýyz sý jetti

Stansaǵa sý Esil ózeninen aly­nyp, 12 metr tereńdikte or­nalasqan arnaıy syıym­dylyq­ta saqtalady. Eski qu­ral-jabdyqtar jańalanyp, ǵımarattyń jumysy tolyǵymen avto­matty júıege kóshirilgen. «Qaz­sýshar» respýb­lıkalyq mem­leket­tik kásiporny «Esil sý» fılıalynyń bas ın­­­­jeneri Nıkı­ta Zabavınniń aı­týynsha, sorǵy stansa men 116 shaqyrym qubyr qal­pyna keltirilgen. Bul maqsat úshin res­pýb­­lıkalyq bıýdjetten 4,6 mıllıard teń­ge jumsalǵan. 

2018-2020 jyldarǵa arnal­ǵan joba qunynyń 6,9 mıllıard teń­geni quraıt­ynyn aıta ket­kenimiz jón. Bas ınjener atap ótkendeı, onyń sheńberinde 19 aýylǵa sý qubyrlary tartyl­maq.

Zamanaýı tehnıkalyq qon­­dyr­­­­ǵylardyń arqasynda bar­lyq jumys barysy kompıýter arqyly baqylanady. Sý shyǵynynyń birshama azaıǵany baıqalady. Buǵan deıin 1 lıtr tirshilik kózin­degi laılaný mólsheri 1,1-1,2 mıllıgrammdy qurasa, endi 0,7-ge deıin tómendegen.

Búginde Presnovka toptyq sý qubyry jóndelýde. Onyń alǵash­qy kezeńine 7,8 mıllıard teńge qaras­tyrylyp, ondaǵan eldi mekenderge tirshilik ná­ri jetedi. Onyń qatarynda Mıhaılovka, Novodýbrovnoe, Senjarka, Klad­bınka, Semakı, Pchelıno sııaqty taza sýǵa shó­lir­kep otyrǵan eldi meken­­der bar. Tutastaı alǵanda 280­ shaqyrym magıstraldy je­li qosylyp, otyzǵa jýyq aýyl­dyń tur­ǵyn­dary sý azabynan quty­latyn bolady.

Sondaı-aq bıyl Shal aqyn, Tı­mı­rıazev jáne Ǵabıt Músi­repov atyndaǵy aýdandarda sorǵy stansa iske qosyldy.

Aıta ketýimiz kerek, «Esil sý»­­ meke­mesi óńirimizdegi 11 jáne Qos­­tanaı oblysyndaǵy 2 aýdan­ǵa­ tirshilik kózin jetkizý­men aınalysady.

О́mir ESQALI,

«Egemen Qazaqstan»