Nıkıta Stalnov «Ispanııa výeltasynyń» tórtinshi kezeńinde amerıkalyq Ben Kıngten keıingi ekinshi oryndy ıelendi, dep habarlaıdy astanaproteam.kz.
21 kezeńnen turatyn «Ispanııa výeltasynyń» tórtinshi kezeńi tartysty ótti. Qazaqstandyq veloshabandoz uzaq ýaqyt boıy pelotonnan bólinip shyqqan júırikter qatarynda kelip, artynsha shabýylǵa kóshti. Osy arqyly Nıkıta Stalnov, Kıng jáne Djelle Valleısten quralǵan kóshbasshylar úshtigi erekshe kózge tústi. Sońǵy kezeńde Valleıs Stalnov pen Kıngke ilese almaı, qalyp qoıdy.
«Shyny kerek, bar kúshimdi jumsadym, qolymnan kelgenin istedim, ókinbeımin. Osy kezeńde jeńiske jetkim kelip edi, men jeńiske jaqyn keldim, jaqsy jarysa aldym dep oılaımyn. Sońǵy taýǵa órlep shyǵý qıynǵa soqty. Men erterek shabýylǵa shyqpaq bolǵanmyn, biraq sońǵy shaqyrymdarda sońǵy kúshimdi jumsap jatqanymdy sezdim. Degenmen, osy nátıjege qanaǵattanamyn, bul meni «Výeltanyń» kelesi kezeńderine jigerlendiredi», deıdi Nıkıta Stalnov.
Polshalyq Mıhal Kvıatkovskı jalpy eseptiń qyzyl jeıdesin ózinde saqtap qaldy, qazaqstandyq komandanyń kapıtany Mıgel Anhel Lopes 14-orynǵa kóterildi (+0.46). «Astana» «Výeltanyń» jalpykomandalyq esebinde birinshi orynǵa shyǵyp aldy.
Eske sala keteıik, jarys 25 tamyzdan 16 qyrkúıekke deıingi aralyqta Ispanııa jáne Andorrada ótedi.