Jumys jospary bekitilip, konkýrs ótkizildi

2011 jylǵy 21 jeltoqsanda Ońal­syn Jumabekovtiń tóraǵaly­ǵy­men Qazaqstan Respýblıkasy Joǵary Sot Keńesiniń kezekti otyrysy ótti. Otyrysta sýdıalardyń aýysý­shy­lyǵy, sottardyń uıymdyq qyz­metin jáne materıaldyq-teh­nı­kalyq qamta­ma­syz etý máse­leleri qarastyryldy, Keńestiń 2011 jylǵy jumysy qory­ty­n­dy­lan­dy jáne onyń 2012 jylǵa ar­nalǵan jumys jospary bekitildi. Odan basqa, otyrysta sot jú­ıe­sindegi kadrlyq máseleler qa­ras­ty­ryldy, onyń aıasynda aǵym­daǵy jyl­dyń 7 qazanynda jarııa­lanǵan aý­­dan­dyq jáne oǵan teńes­tirilgen sot­tar­dyń 58 jáne 14 oblystyq sot­tar­dyń sýdıalary­nyń bos qyzmet oryn­da­ry­na or­nalasýǵa konkýrs ótkizildi. Konkýrsqa 585 adam qatysty. Or­tasha al­ǵanda, konkýrsta aýdan­dyq so­ty­­­nyń sýdıasy ornyna 9 jáne ob­lys­tyq sotqa 4 adamdy qurady. Aýdan­dyq sottyń sýdıasy ornyna konkýrstan ótken jáne usynyl­ǵan tulǵa­lar­dyń ortasha jasy 36 jasty quraıdy. Konkýrsanttar týraly aqparat aldyn ala Joǵarǵy Sottyń ın­ter­net-saıtynda ornalastyryl­dy, bu­qaralyq aqparat qural­da­ryn­da ja­rııalandy, «Nur Otan» HDP ja­nyn­daǵy Jemqorlyqpen kúres jó­nindegi respýblıkalyq qoǵamdyq Keńesiniń jáne osy atal­ǵan Ke­ńes­tiń janyn­da­ǵy Qa­zaqstan Res­pýb­lıkasynyń sot organdarynyń qyz­metin syrtqy ba­ǵa­laý qoǵamdyq baqy­laý komıs­sııa­sy­nyń nazar­laryna usynyldy, sondaı-aq ob­lys­tyq jáne oǵan teńestirilgen sot­tarǵa jiberildi. Sheshim qabyl­daý kezinde konkýrsanttar týraly túsken pikirler eskerildi. Qazaqstan Respýblıkasynyń Prezıdenti Ákimshiliginiń Memlekettik-quqyq bólimi.