Elimizde bolashaq chempıondardy bala jastan tárbıeleý nyqtap qolǵa alyna bastady. Ásirese velosporttan Olımpıadalyq daıarlaý ortalyǵy dástúrli túrde búldirshinder arasyndaǵy jarys ótkizip turady.
Osy 15 qyrkúıekte «Saryarqa» velotreginde 5-6 jastaǵy balalar arasynda jarys uıymdastyrylady. Oǵan júzden asa qatysýshy keledi dep kútiledi. Jalpy «Olımpıadalyq úmit» atty joba kásipqoı sportqa balalardy baýlýǵa baǵyttalǵan. Bul tájirıbe shetelderde keńinen qoldanylady. Al elimizde 2016 jyldan beri osy ortalyq mamandarynyń bastamasymen qolǵa alyndy. Gúldana Qanapııanova, Olımpıadalyq daıarlaý ortalyǵynyń baspasóz qyzmetkeri: - Atalmysh shara Olımpıadalyq daıarlaý ortalyǵymen birigip demeýshilerdiń qoldaýymen uıymdastyrylatyn bolady. Sondaı-aq «Olımpıadalyq úmit» jarysyna barlyq balalar qatysa alady.