Almatydaǵy Ulttyq kitaphanada Qytaı Halyq Respýblıkasy Chýnsın qalalyq halyqtyq úkimeti baspasóz qyzymetiniń, Chýnsın qalalyq halyqtyq úkimeti syrtqy ister departamentiniń, QHR Almatydaǵy Bas konsýldyǵynyń qoldaýymen «Bir beldeý, bir jol» jobasy aıasynda QHR men Qazaqstan Respýblıkasy arasyndaǵy mádenı, ekonomıkalyq jáne saýda qarym-qatynastarynyń damýyna yqpal etý maqsatynda uıymdastyrylǵan «Chýnsın kelbeti» fotokórmesi jáne «Qytaı mádenıet kúnderiniń» ashylý saltanaty ótti.
Chýnsın álemdegi qaryshtap damyp kele jatqan iri qalalardyń biri. Búginde halqynyń sany 40 mıllıonǵa jýyqtap qalǵan Chýnsın Qytaıdyń ońtústik- shyǵysyndaǵy mańyzdy ónerkásip ortalyǵy bolyp tabylady.
Erterekte Ba patshalyǵynyń astanasy bolyp tabylǵan 3000 jyldyq tarıhy bar qalanyń aýmaǵy Aýstralııa memleketiniń kólemindeı. Mundaǵy 11 ǵasyrǵa tıesili tastaǵy tarıhı eskertkishter áli kúnge týrısterdi qyzyqtyryp keledi. Qala kórinisterine arnalǵan fotokórmede aspanmen astasqan záýlim ǵımarattardy, birneshe qabattan turatyn kólik dálizderi men aspaly kópirlerdi tamashalaýǵa bolady.
Kórmeniń ashylý saltanatynda Almaty qalasy ákiminiń keńeshisi Mamaı Ahetov, QHR Almatydaǵy Bas konsýlynyń orynbasary Mıao Hýnbo, Ulttyq kitaphanasy dırektory Janat Seıdýmanov, QHR Halyqtyq saıası konsýltatıvti Keńesiniń tóraǵasy Van Szıýn sóz sóılep, Chýnsın qalalyq Halyqtyq úkimetiniń nasıhat bólimi, Qazaqstan Respýblıkasy Ulttyq kitaphanasy, Abylaı han atyndaǵy Halyqaralyq Qatynastar jáne Álem Tilderi Ýnıversıtetiniń Konfýsıı ınstıtýty arasyndaǵy yttymaqtastyq memorandýmǵa qol qoıý rásimine Sıýe Chjý hanym, Janat Seıdýmanov, Daı Iýanhýn qatysty. Shara aıasynda Qytaı halqynyń ulttyq kıim úlgileri kórsetilip, kitap syılaý rásimi ótti.
Elvıra SERIKQYZY,
«Egemen Qazaqstan»
ALMATY