Parlament Senatynyń depýtaty, Qazaqstan Respýblıkasyndaǵy Bala quqyqtary jónindegi ýákil Sáýle Aıtpaeva balalardyń quqyqtary men zańdy múddelerin qorǵaý máseleleri boıynsha Almaty qalasy men Almaty, Qaraǵandy jáne Túrkistan oblystarynan ótinish bildirgen azamattardy beınekonferensııa tártibinde qabyldady.
Sharaǵa densaýlyq saqtaý, bilim jáne ǵylym, eńbek jáne halyqty áleýmettik qorǵaý, qoǵamdyq damý, ishki ister mınıstrlikteriniń, sondaı-aq jergilikti atqarýshy organdar men úkimettik emes uıymdardyń ókilderi qatysty.
Qabyldaý barysynda balalardyń quqyqtaryn qorǵaý jáne olardyń qaýipsizdigin qamtamasyz etý máseleleri boıynsha turǵyndardyń ótinishteri qaraldy. О́tinishterde birqatar ózekti máseleler, sonyń ishinde laıyqty bilim alý, densaýlyq qorǵaý, ata-ananyń qamqorlyǵynsyz qalǵan balalarǵa qorǵanshy bolý men qamqorlyqqa alý, mektepte, sondaı-aq oqý oryndarynan tys jerlerde (ashyq qudyqtar) balalardyń qaýipsizdigin qamtamasyz etý, ata-analary ajyrasqan kezde balalardyń turǵylyqty jerin jáne olarmen qarym-qatynasty anyqtaý jáne basqa da máseleler kóterildi.
Turǵyndardy qabyldaý kezinde barlyq ótinishter boıynsha oń sheshim qabyldandy. Beınekonferensııa barysynda qoıylǵan suraqtarǵa beınebaılanysta bolǵan oblys ákimshiliginiń kómegimen jaýap berildi.
Bala quqyqtary jónindegi ýákil S.Aıtbaeva jergilikti atqarýshy organdar ókilderiniń nazaryn turǵyndar arasynda tıisti aqparattyq-túsindirme jumysyn júrgizý, balalar men otbasylardyń quqyqtaryn qorǵaý máselelerinde ashyqtyq pen aıqyndylyqty qamtamasyz etý qajettiligine aýdardy.
Bala quqyqtary jónindegi ýákil osyndaı qabyldaýdy toqsan saıyn ótkizetin bolady.
Qazaqstan Respýblıkasy
Parlamenti Senatynyń
baspasóz qyzmeti