Sharaǵa Qazaqstannyń óńirlerinen 300-ge jýyq kásipker men taýar óndirýshi qatysty, dep habarlaıdy Atyraý qalasy ákimdiginiń baspasóz qyzmeti.
Shara Elbasynyń kezekti jyl saıynǵy Joldaýynyń aıasynda ótkizilip, otandyq taýar óndirýshilerdi qoldaýǵa baǵyttaldy. Forýmǵa Atyraý oblysynyń shamamen 300 kásipkeri, sondaı-aq Qazaqstannyń kórshiles óńirleriniń kásipkerleri qatysty.
Sharaǵa qatysýshylar jergilikti qamtý, memlekettik qyzmetterdi jáne memlekettik-jeke menshik áriptestikti sıfrlandyrý máselelerin talqylady. Isin jańa bastaǵan kásipkerler ózderiniń alǵashqy jobalaryn usynýǵa, sondaı-aq memlekettik qoldaý sharalary týraly aqparat alýǵa múmkindik aldy. Forýmmen qatar jergilikti taýar óndirýshilerdiń jármeńkesi uıymdastyryldy, oǵan 32 kompanııa qatysty.
Atyraý oblysy ákiminiń birinshi orynbasary Serik Shapkenovtyń aıtýynsha, forýmnyń aldynda qatysýshylar tyńdaǵan Memleket basshysynyń jyl saıynǵy Joldaýynda otandyq kásipkerlikti, halyq tutynatyn taýarlardy óndirýdi, ımportty almastyrýdy, sondaı-aq damyǵan elderdiń barlyq eýropalyq standarttaryna sáıkes keletin ónimderdi eksporttaýǵa úlken kóńil bólindi. Serik Shapkenov kásipkerlerdi «qarapaıym zattar» ekonomıkasyn damytýǵa shaqyrdy. Budan basqa, bıznes úshin qýatty serpin 2019 jyldyń 1 qańtarynan bastap kúshine enetin salyq amnıstııasyn engizý bolmaq.
«Qazaqstandyq qamtý» máselesine erekshe nazar aýdaryldy. Kásipkerlerdiń aıtýynsha, búgingi tańda jer qoınaýyn paıdalanýshylar jergilikti óndirýshilerge joǵary talaptar qoıady jáne óndiriste jergilikti ónimder men taýarlardy paıdalanýdan jıi bas tartady.
- Jergilikti qamtý úlesine Atyraý oblysynyń ákimi árqashan úlken kóńil bóldi. Qazir jaǵdaı kelesideı: ınvestor kelip, jobany iske asyrý úshin bizben kelisimshart jasasqan kezde, onyń óndiriste paıdalanylatyn materıaldardyń sapa standarttaryn qosa alǵanda, tıisti talaptary bar. Kóbine jergilikti óndirýshilerdiń taýarlary joǵary sapa standarttaryna sáıkes kelmeıdi jáne materıaldardy shetelden satyp alýǵa týra keledi. О́nimderdiń sapasy eýropalyq deńgeıden kem túspeıindeı bolatyndaı etip ınvestorlardyń senimine ıe bolý kerek. Ekinshi jaǵynan, meniń oıymsha, qazaqstandyq qamtý patrıotızmnen bastalady. Otandyq taýarlardy ózimiz qabyldap, unatyp, kúndelikti ómirde paıdalanýymyz kerek. Tek sodan keıin qazaqstandyq qamtý máselesi artta qalady », - dedi forýmnyń qatysýshylaryna Serik Shapkenov.
Forýmnyń jumysy kún boıy jalǵasty, plenarlyq otyrystar aralyǵyndaǵy úzilisterde bıznesmender vızıtkalar almasýǵa, jańa tanystar men baılanystar jasaýǵa, sondaı-aq Qazaqstannyń basqa aımaqtarynan kelgen kásipkerlerdiń bıznes júrgizý tájirıbelerin úırenýge múmkindik aldy.