Elbasynyń bastamasymen qolǵa alynǵan «SARATS» jobasy balyq óndirisin órkendetýge úlken serpin berdi dep habarlaıdy «Egemen.Kz» tilshisi.
Búginde Araldyń eksporttyq áleýeti kúsheıip keledi. TMD jáne Eýropa naryǵyna shyqqan kókserke súzesi, qatyrylǵan jáne tońazytylǵan torta, taban balyqtarǵa sońǵy ýaqyttary Qytaı memleketi de suranys bere bastady. Oblysta iske qosylǵan 10 taýarly balyq sharýashylyǵy azamattarǵa jaqsy tabys kózi bolyp otyr.
Bıyl Aral qalasynyń ındýstrııalyq aımaǵynda «Qazaqstan Akvakýltýra LTD» JShS-nyń «Balyqty tereńdep óńdeý jáne plastıkalyq qaıyq jasaý» sehynyń jobasy júzege asyrylyp jatyr. Atalǵan nysan jyl aıaǵyna deıin iske qosylady.
Jańa zaýyt tolyq qýatynda jumys jasaǵanda jylyna 4000 tonna balyq jáne 50 qaıyq shyǵarýǵa múmkindigi bar.
Seriktestik balyq óńdeýden bólek, qaıyq qurastyrý sehyn salýdy josparlap otyr. Buǵan deıin sheteldiń qymbat qaıyǵymen amaldap kelgen balyqshylardyń arzan da sapaly óz qaıyǵy bolady.
Baqtııar TAIJAN,
«Egemen Qazaqstan»
Qyzylorda oblysy