Parlament Senatynyń depýtattary Dáýren Ádilbekov pen Rashıt Ákimov Aqmola oblysyna jumys sapary barysynda Astrahan aýdanyndaǵy №6 agrotehnıkalyq kolledjdiń oqytýshylarymen jáne óndiristik oqytý sheberlerimen kezdesti.
Kezdesýde halyqtyń ál-aýqatyn arttyrýǵa baǵyttalǵan máseleler qyzý talqylandy. Máselen, depýtat Elbasynyń Joldaýyn júzege asyrý maqsatynda barsha jurt jumyla jumys isteýi kerek ekendigine toqtaldy. R.Ákimovtiń pikirinshe, ekonomıka men aýyl sharýashylyǵynyń barlyq salasyna jańa tehnologııalardy engizý arqyly eńbek ónimdiligin arttyrýǵa bolady.
Kolledj dırektory Qanat Súıindikov depýtattarǵa oqý synyptary men óndiristik sheberhanalardy, materıaldyq-tehnıkalyq bazany kórsetip, túlekterdi jumysqa ornalastyrýdyń jaǵdaıy týraly aıtyp berdi.
Kezdesýge Astrahan aýdanynyń ákimi Nurlan Seıilov pen máslıhat hatshysy Mıram Qojahmet qatysty.
Baıqal BAIÁDIL,
«Egemen Qazaqstan»
Aqmola oblysy